പാക്​ വ്യോമപാത നിരോധനം: എയർ ഇന്ത്യക്ക്​ നഷ്​ടമായത്​ കോടികൾ

ന്യൂഡൽഹി: ഇന്ത്യൻ വ്യോമസേന നടത്തിയ ബാലാക്കോട്ട്​ ഭീകരക്യാമ്പ്​ ആക്രമണത്തെ തുടർന്ന്​ പാക്​ വ്യോമപാതയില ൂടെയുള്ള സർവീസുകൾ നിരോധിച്ചതിനെ തുടർന്ന്​ എയർ ഇന്ത്യക്ക്​ നഷ്​ടമായത്​ കോടികൾ. ഫെബ്രുവരി 27 നാണ്​ പാകിസ്​താ ൻ വ്യോമപാതയിൽ ഇന്ത്യക്ക്​ നിരോധനം ഏർപ്പെടുത്തിയത്​. തുടർന്ന്​ എയർഇന്ത്യ ഗുജറാത്ത്​ തീരം വഴി അറബികടൽ മറികടന ്നാണ്​ യൂറോപ്പ്​ -നോർത്ത്​ അമേരിക്കൻ സർവീസുകൾ നടത്തിയിരുന്നത്​. ഇതുമൂലം മാർച്ച്​ 16 വരെ 60 കോടിയിലധികം രൂപയുടെ നഷ്​ടമാണ്​ എയർ ഇന്ത്യക്ക്​ ഉണ്ടായതെന്നാണ്​ റിപ്പോർട്ട്​.

പാക്​ വ്യോമപാത നിരോധനം യു.എസി​ലേക്കുള്ള സർവീസുകളെയാണ്​ ബാധിച്ചത്​. വാഷിങ്​ടൺ, ന്യൂയോർക്ക്​, ന്യൂവാർക്​, ചിക്കാഗോ എന്നിങ്ങനെയുള്ള യു.എസ്​ ഈസ്​റ്റ്​കോസ്​റ്റ്​ നഗരങ്ങളിലേക്കുള്ള സർവീസുകളുടെ യാത്രാ ദൈർഘ്യം വർധിച്ചതും ഇന്ധനചെലവ്​ വർധനവുമെല്ലാം എയർ ഇന്ത്യക്ക്​ ബാധ്യതയായി.

പാകിസ്​താനിലൂടെ അല്ലാതെ സർവീസ്​ നടത്തു​േമ്പാൾ ഷാർജയിലോ വിയന്നയിലോ ഇന്ധനം നിറക്കുന്നതിനായി വിമാനങ്ങൾ ഇറക്കേണ്ടി വന്നു. ഇത്തരത്തിൽ ഇന്ധനം നിറക്കുന്നതിനുള്ള ലാൻഡിങ്ങിന്​ 50 ലക്ഷം രൂപയാണ്​ എയർ ഇന്ത്യ ചെലവഴിച്ചത്​. കൂടാതെ പൊസിഷൻ ക്രൂ, വിയന്നയിൽ എഞ്ചിനിയരെ നിയമിക്കൽ എന്നിവക്കായി 60 കോടിയോളം രൂപയും ചെലവഴിച്ചു. ഇന്ധനം നിറക്കാനുള്ള ലാൻഡിങ്​ മൂലം വൻ സമയ നഷ്​ടമാണ്​ യാത്രക്കാർക്ക്​ ഉണ്ടായത്​.

എന്നാൽ ഡൽഹിയിൽ നിന്ന്​ സാൻഫ്രാൻസിസ്​കോയിലേക്ക്​ പസഫിക്​ മാർഗമുള്ള നോൺസ്​റ്റോപ്​ സർവീസ്​ സാമ്പത്തിക നഷ്​ടമോ യാത്രക്കാർക്ക്​ സമയനഷ്​ടമോ ഉണ്ടാക്കിയിട്ടില്ല.