Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.എന്‍...

യു.എന്‍ രക്ഷാസമിതിയില്‍ സ്ഥിരാംഗത്വം: ഇന്ത്യയുടെ ശ്രമം എതിര്‍ക്കുന്നുവെന്ന് പാകിസ്താന്‍

text_fields
bookmark_border
യു.എന്‍ രക്ഷാസമിതിയില്‍ സ്ഥിരാംഗത്വം: ഇന്ത്യയുടെ ശ്രമം എതിര്‍ക്കുന്നുവെന്ന് പാകിസ്താന്‍
cancel

ന്യൂയോര്‍ക്: യു.എന്‍ രക്ഷാസമിതിയില്‍ സ്ഥിരാംഗത്വത്തിനുള്ള ഇന്ത്യയുടെ ശ്രമം പൂര്‍ണമായും എതിര്‍ക്കുന്നുവെന്ന് പാകിസ്താന്‍. യു.എന്‍ ജനറല്‍ അസംബ്ളിയില്‍ പാകിസ്താന്‍ അംബാസഡര്‍ മലീഹാ ലോധിയാണ് ഇക്കാര്യം പറഞ്ഞത്. കൗണ്‍സിലില്‍ സ്ഥിരാംഗത്വത്തിനായുള്ള ജര്‍മനി, ജപ്പാന്‍, ബ്രസീല്‍ എന്നീ രാജ്യങ്ങളുടെ ദീര്‍ഘകാല ശ്രമങ്ങള്‍ നടന്നുകൊണ്ടിരിക്കെ ഇന്ത്യയുടെ വാദം ബാലിശമാണ്.

സ്ഥിരാംഗത്വം നല്‍കുന്നതിലൂടെ ഏതാനും ചില രാജ്യങ്ങളുടെ അധികാരവും കുത്തകാവകാശവും സംരക്ഷിക്കപ്പെടുക മാത്രമേയുള്ളൂവെന്നും അവര്‍ പറഞ്ഞു.

അമേരിക്ക, ബ്രിട്ടന്‍, ചൈന, ഫ്രാന്‍സ്, റഷ്യ എന്നീ സ്ഥിരാംഗത്വമുള്ള രാജ്യങ്ങള്‍ക്കു പുറമെ 10 താല്‍ക്കാലിക അംഗങ്ങളുള്‍പ്പെടെ 15 രാജ്യങ്ങളാണ് യു.എന്‍ രക്ഷാസമിതിയിലുള്ളത്. അതേസമയം, രക്ഷാസമിതിയിലെ മൊത്തം അംഗങ്ങളുടെ എണ്ണം വര്‍ധിപ്പിക്കണെമെന്നും പാകിസ്താന്‍ ആവശ്യപ്പെട്ടു.

 

Show Full Article
TAGS:
News Summary - pakistan
Next Story