പൂഞ്ചിൽ വീണ്ടും പാകിസ്താന്‍റെ വെടിനിർത്തൽ ലംഘനം

പൂഞ്ച്: ജമ്മു കശ്മീരിലെ പൂഞ്ചിൽ വീണ്ടും പാകിസ്താൻ വെടിനിർത്തൽ കരാർ ലംഘിച്ചു. നിയന്ത്രണരേഖയിൽ കിർനി, ദെഗ് വാർ സെക്ടറുകളിലാണ് പാക് സേന പ്രകോപനം കൂടാതെ വെടിവെപ്പ് നടത്തിയത്. 

രാവിലെ ഒമ്പതരയോടെ ചെറിയ ആയുധങ്ങളും മോർട്ടാറും ഉപയോഗിച്ച് വെടിവെപ്പും ഷെല്ലിങ്ങും നടത്തുകയായിരുന്നു. ഇതേതുടർന്ന് ഇന്ത്യൻ സേന ശക്തമായി തിരിച്ചടിച്ചു. 

തിങ്കളാഴ്ച പൂഞ്ചിലെ ഗുൽപൂരിലും ചൊവ്വാഴ്ച പൂഞ്ചിലെ ബാലാകോട്ടിലും പാക് സേന പ്രകോപനം കൂടാതെ വെടിവെപ്പ് നടത്തിയിരുന്നു.