അഭിനന്ദ​െൻറ പുതിയ വീഡിയോ പുറത്ത്​ വിട്ട്​ പാകിസ്​താൻ

ന്യൂഡൽഹി: വ്യോമസേന വിങ്​ കമാൻഡർ അഭിനന്ദൻ വർധമാ​​െൻറ പുതിയ വീഡിയോ പുറത്ത്​ വിട്ട്​ പാകിസ്​താൻ. അഭിനന്ദനെ ഇന്ത്യക്ക്​ കൈമാറിയതിന്​ പിന്നാലെയാണ്​ പുതിയ വീഡിയോ പുറത്ത്​ വന്നത്​. എ​േട്ടാളം എഡിറ്റുകൾ വരുത്തിയാണ്​ പാകിസ്​താൻ വീഡിയോ പുറത്ത്​ വിട്ടിരിക്കുന്നത്​. വീഡിയോ റെക്കോർഡ്​ ചെയ്​തതിന്​ ശേഷമാണ്​ അഭിനന്ദനെ കൈമാറാൻ പാകിസ്​താൻ തയാറായതെന്നും റിപ്പോർട്ടുകളുണ്ട്​.

നിയന്ത്രണരേഖ ലംഘിച്ച്​ പാകിസ്​താനിലേക്ക്​ കടന്ന്​ കയറിയെന്ന്​ അഭിനന്ദൻ വീഡിയോയിൽ പറയുന്നുണ്ട്​. ഇതിനിടെ ത​​െൻറ വിമാനം വെടിവെച്ചിട്ടു. പാകിസ്​താനിലെ ആൾക്കൂട്ടത്തിനിടയിൽ അകപ്പെട്ടുപോയ തന്നെ സൈന്യം രക്ഷപ്പെടുത്തുകയായിരുന്നു. പാക്​ സൈന്യം പ്രൊഫഷണലാണെന്നും അവരുടെ പ്രവർത്തനം തന്നെ സ്വാധീനിച്ചുവെന്നും വീഡിയോയിൽ അഭിനന്ദൻ വർധമാൻ വ്യക്​തമാക്കുന്നു​.

വീഡിയോക്കെതിരെ രൂക്ഷവിമർശനമാണ്​ കേന്ദ്രസർക്കാർ നടത്തിയത്​. ബുധനാഴ്​ച അഭിനന്ദൻ വർധമാൻ പിടിയിലായതിന്​ പിന്നാലെ അദ്ദേഹത്തി​​െൻറ വീഡിയോ പാകിസ്​താൻ പുറത്ത്​ വിട്ടിരുന്നു. ഇത്​ വലിയ വിമർശനങ്ങൾക്ക്​ വഴിവെച്ചിരുന്നു.