Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇന്ത്യയെ...

ഇന്ത്യയെ മതാടിസ്ഥാനത്തിൽ വിഭജിക്കാൻ പാകിസ്​താൻ ശ്രമിക്കുന്നു– രാജ്​നാഥ്​ സിങ്​

text_fields
bookmark_border
ഇന്ത്യയെ മതാടിസ്ഥാനത്തിൽ വിഭജിക്കാൻ പാകിസ്​താൻ ശ്രമിക്കുന്നു– രാജ്​നാഥ്​ സിങ്​
cancel

കത്വ: ഇന്ത്യയെ മതത്തി​െൻറ  അടിസ്ഥാനത്തിൽ വിഭജിക്കാനാണ് പാകിസ്​താൻ ശ്രമിക്കുന്നതെന്ന്​ കേന്ദ്ര ആഭ്യന്തരമന്ത്രി രാജ്​നാഥ്​ സിങ്​.  ജമ്മു കശ്​മീരിനെ ഭീകരവാദത്തിലൂടെ വിഭജിച്ച്​ ഇന്ത്യയെ അസ്ഥിരപ്പെടുത്താനാണ്​ പാകിസ്​താൻ ലക്ഷ്യമിടുന്നത്​. തീവ്രവാദത്തെ ആയുധമായി സ്വീകരിക്കുന്നത്​ ഭീരുക്കളാണ്​, അല്ലാതെ ധീരൻമാരല്ല. മതത്തി​െൻറ പേരിൽ ഇന്ത്യയെ വേർതിരിക്കാനുള്ള പാക്​ ശ്രമങ്ങൾ വിലപ്പോകില്ല. മതത്തി​െൻറ പേരിൽ ഇന്ത്യ ഒരിക്കലും വിഭജിക്കപ്പെടില്ലെന്നും രാജ്​നാഥ്​ സിങ്​ വ്യക്തമാക്കി. ജമ്മു കശ്മീരിലെ കത്വയിൽ സംഘടിപ്പിച്ച പരിപാടിക്കിടെയാണ് കേന്ദ്ര മന്ത്രിയുടെ പ്രതികരണം.

സ്വാതന്ത്ര്യത്തിനുശേഷം നാലുതവണയാണ് പാകിസ്​താൻ ഇന്ത്യയെ ആക്രമിച്ചത്. അപ്പോഴെല്ലാം ഇന്ത്യൻ സൈന്യം ശക്തമായ മറുപടി നൽകിയിട്ടുണ്ട്. ഉറി, പത്താൻകോട്ട്​, ഗുരുദാസ്​പുർ എന്നിവിടങ്ങളിലെല്ലാം ഇന്ത്യയുടെ സൗഹാർദ്ദഭാവം മുതലെടുത്ത്​ പാകിസ്​താൻ ആക്രമണം നടത്തി. എന്നാൽ ഒരിക്കലും ഇന്ത്യ ആദ്യം വെടിവെപ്പ്​ നടത്തിയിട്ടില്ല.  അതിർത്തി കടന്നുള്ള വെടിവെപ്പ്​ അവസാനിപ്പിച്ചില്ലെങ്കിൽ പാകിസ്​താൻ വൈകാതെ പത്തു കഷണങ്ങളാകുമെന്നും ആഭ്യന്തരമന്ത്രി താക്കീത്​ നൽകി.

 

 

Show Full Article
TAGS:rajnath singh 
News Summary - Pakistan Conspiring To Divide India On Religious Lines– rajnath
Next Story