പാകിസ്​താൻ വെടിനിർത്തൽ ലംഘിച്ചു; പൂഞ്ചിൽ ഷെല്ലാക്രമണം

ജമ്മു: വെടിനിർത്തൽ ലംഘിച്ച്​ പാകിസ്​താൻ സൈന്യം ജമ്മു-കശ്​മീരിലെ അതിർത്തി ജില്ലയായ പൂഞ്ചിൽ നിയന്ത്രണരേഖക്ക്​ സമീപം സൈനിക​ പോസ്​റ്റുകൾക്കും ഗ്രാമങ്ങൾക്കും നേരെ ആക്രമണം നടത്തിയതായി പ്രതിരോധ വക്​താവ്​ പറഞ്ഞു.

ഡെഗ്​വർ സെക്​ടറിൽ ശനിയാഴ്​ച രാത്രി 9.30ഓടെയാണ്​ പാകിസ്​താൻ വെടിവെപ്പും മോർട്ടാർ ഷെല്ലാക്രമണവും നടത്തിയത്​. ആക്രമണത്തിൽ ആർക്കെങ്കിലും പരിക്കേറ്റതായി ഇതുവരെ വിവരമില്ലെന്ന്​ അദ്ദേഹം പറഞ്ഞു.