പാക്​ നുഴഞ്ഞുകയറ്റ ശ്രമം തകർത്തു; അഞ്ചു പേരെ വധിച്ചു

​ശ്രീനഗർ: വടക്കൻ ജമ്മു-കശ്​മീരിലെ കേരൻ സെക്​ടറിൽ പാക്​ സൈനിക വിഭാഗമായ ബോർഡർ ആക്​ഷൻ ടീം നടത്തിയ നുഴഞ്ഞുകയറ്റ ശ്രമം ഇന്ത്യൻ സേന തകർത്തു. ഇന്ത്യൻ പോസ്​റ്റിനുനേരെയാണ്​ ആക്രമണമുണ്ടായത്​. നുഴഞ്ഞുകയറാൻ ശ്രമിച്ച അഞ്ച്​ പാക്​ പൗരൻമാരെ വധിച്ച സൈന്യം ശക്​തമായി തിരിച്ചടിച്ചാണ്​ നീക്കം തകർത്തത്​.

വെടിവെപ്പ്​ തുടരുന്നതിനാൽ മൃതദേഹങ്ങൾ വീണ്ടെടുക്കാനായിട്ടില്ല. നാലോളം പേരുടെ മൃതദേഹം അതിർത്തിയോടുചേർന്ന്​ കണ്ടതായി സൈന്യം അറിയിച്ചു. നുഴഞ്ഞുകയറ്റ ശ്രമം അടുത്തിടെ കൂടുതൽ ഊർജിതമായതായി ചിനാർ​ കോർപ്​സ്​ കമാൻഡർ ലഫ്​. ജനറൽ കെ.ജെ.എസ്.​ ധില്ലൺ പറഞ്ഞു.