ബംഗളൂരുവിൽ അറസ്​റ്റിലായ പാക്​ ദമ്പതികളെ മോചിപ്പിച്ചു

ബംഗളൂരു: രണ്ടു വർഷം മുമ്പ്​ ബംഗളൂരുവിൽ അറസ്​റ്റിലായ പാക്​ ദമ്പതികളെ മോചിപ്പിച്ച്​ നാടുകടത്തി. കറാച്ചി ചക്ര ാഘോട്ട്​ സ്വദേശികളായ കാഷിഫ്​ ഷംസുദ്ദീൻ (32), ഭാര്യ കിരൺ ഗുലാം അലി (27) എന്നിവരെയാണ്​ ഞായറാഴ്​ച വാഗ- അട്ടാരി അതിർത്ത ിയിൽ പാകിസ്​താൻ അധികൃതർക്ക്​ കൈമാറിയത്​.

2017 മേയിലാണ്​ പാലക്കാട്​ പട്ടാമ്പി സ്വദേശി മുഹമ്മദ്​ ശിഹാബ്​ (30), ഭ ാര്യയും പാകിസ്​താനിയുമായ സമീറ അബ്​ദുറഹ്​മാൻ (25) എന്നിവർക്കൊപ്പം കാഷിഫിനെയും കിരണിനെയും ബംഗളൂരു പൊലീസ്​ അറ സ്​റ്റ്​ ചെയ്​തത്​. ബംഗളൂരു കുമാരസ്വാമി ലേഒൗട്ടിലെ യാറബ്​ നഗറിൽ ഇവർ അനധികൃതമായി കഴിയുന്നതിനിടെയായിരുന്നു അറസ്​റ്റ്​.

ഷിഹാബി​​െൻറ ഭാര്യ സമീറ ഇപ്പോഴും ജയിലിലാണ്​. ഇൗ ദമ്പതികൾക്ക്​ ഒരു കുട്ടിയുമുണ്ട്​. ഇവരെ പാകിസ്​താനിലേക്ക്​ തിരിച്ചയക്കുന്നത്​ സംബന്ധിച്ച്​ അധികൃതർ ഇതുവരെ തീരുമാനമെടുത്തിട്ടില്ല. 1955ലെ പൗരത്വ നിയമപ്രകാരം, ഭർത്താവ്​ ഇന്ത്യക്കാരനാണെങ്കിലും മാതാവ്​ അനധികൃത കുടിയേറ്റക്കാരിയായതിനാൽ കുഞ്ഞിന്​ ഇന്ത്യൻ പൗരത്വം ലഭിക്കില്ല.

കാഷിഫ്​ ഷംസുദ്ദീ​​െൻറയും കിരൺ ഗുലാം അലിയുടെയും മോചനത്തിന്​ അടിയന്തര നടപടി സ്വീകരിക്കാൻ ബംഗളൂരുവിലെ ഫോറിനേഴ്​സ്​ റീജനൽ രജിസ്​ട്രേഷൻ ഒാഫിസ്​ അധികൃതരോടും ആഭ്യന്തര മന്ത്രാലയത്തോടും കഴിഞ്ഞമാസം കർണാടക ഹൈകോടതി നിർദേശിച്ചിരുന്നു. ദമ്പതികളെ കൂടുതൽ കാലം ഇവിടെ ജയിലിൽ പാർപ്പിക്കുന്നത്​ സർക്കാറിന്​ ബാധ്യതയാ​വുമെന്നും പൊതുതാൽപര്യത്തിന്​ എതിരാണെന്നും കോടതി ചൂണ്ടിക്കാട്ടിയിരുന്നു. വിചാരണ കോടതി ഇരുവർക്കും 64,000 രൂപ പിഴ ചുമത്തിയത്​ ഹൈ​േകാടതി റദ്ദാക്കുകയും ചെയ്​തു.

ഖത്തറിൽ ജോലിചെയ്യുന്നതിനിടെയാണ്​ മുഹമ്മദ്​ ഷിഹാബും സമീറയും തമ്മിൽ പരിചയപ്പെട്ട്​ വിവാഹം കഴിക്കാൻ തീരുമാനിക്കുന്നത്​. സമീറയുടെ വീട്ടുകാർ എതിർത്തതോടെ സുഹൃത്തുക്കളും ദമ്പതികളുമായ കാഷിഫിനെയും കിരണിനെയും കൂട്ടി ഖത്തറിൽനിന്ന്​ മസ്​കത്ത്​​, നേപ്പാൾ വഴി ഇന്ത്യയിലേക്ക്​ കടന്നു​. ബംഗളൂരുവിലെത്തി കുമാരസ്വാമി ലേഒൗട്ടിലെ യാറബ്​ നഗറിൽ ഒമ്പതുമാസം താമസിച്ചു. ഇതിനിടെ വ്യാജ തിരിച്ചറിയൽ കാർഡും ആധാർ കാർഡും സംഘടിപ്പിച്ചു.

രഹസ്യവിവരത്തി​​െൻറ അടിസ്ഥാനത്തിൽ റെയ്​ഡ്​ നടത്തിയ പൊലീസ്​ ഇവ​െര അറസ്​റ്റ്​ ചെയ്യുകയായിരുന്നു. ഇവർക്കെതിരെ പാസ്​പോർട്ട്​ നിയമപ്രകാരവും വിദേശനിയമ​പ്രകാരവും കേസെടുത്തിരുന്നു. പാകിസ്​താൻ സ്വദേശികൾക്ക്​ അനധികൃതമായി കഴിയാൻ സൗകര്യമൊരുക്കിയതിനായിരുന്നു ഷിഹാബിനെ അറസ്​റ്റ്​ ചെയ്​തത്​.