പുൽവാമ: പാകിസ്​താ​െൻറ കുറ്റസമ്മതം സൈനികരുടെ ജീവത്യാഗം ചോദ്യം ചെയ്​തവർക്കുള്ള മറുപടി -മോദി

അഹമ്മദാബാദ്​: പുൽവാമ ഭീകരാക്രമണത്തെ സംബന്ധിച്ച്​ പാക്​ മന്ത്രിയുടെ കുറ്റസമ്മതം സൈനികരുടെ ജീവത്യാഗം ചോദ്യം ചെയ്​തവർക്കുള്ള മറുപടിയാണെന്ന്​ പ്രധാനമന്ത്രി നരേന്ദ്രമോദി. സർദാർ വല്ലഭായി പ​ട്ടേലി​െൻറ ജന്മവാർഷികത്തിൽ ഗുജറാത്തിലെ കേവാദിയയിൽ സംസാരിക്കു​േമ്പാഴാണ്​ പ്രതിപക്ഷത്തെ വിമർശിച്ച്​ പ്രധാനമന്ത്രി രംഗത്തെത്തിയത്​.

പുൽവാമ ഭീകരാക്രമണത്തെ തുടർന്ന്​ പ്രതിപക്ഷം നടത്തിയ മോശം പരാമർശങ്ങളും ആരോപണങ്ങളും ആരും മറക്കില്ലെന്ന്​ പ്രധാനമന്ത്രി പറഞ്ഞു. പാകിസ്​താ​െൻറ കുറ്റസമ്മതം സൈനികരുടെ ജീവത്യാഗം ചോദ്യം ചെയ്​തവർക്കുള്ള മറുടിയാണ്​. പുൽവാമ ആക്രമണവുമായി ബന്ധപ്പെട്ട ആരോപണങ്ങൾ എ​െൻറ ഹൃദയത്തിൽ മുറിവുണ്ടാക്കി. സ്വന്തം നേട്ടത്തിന്​ വേണ്ടിയുള്ള ആരോപണങ്ങളിൽ നിന്ന്​ രാഷ്​ട്രീയ പാർട്ടികൾ മാറി നൽക്കണം. ഇത്തരത്തിലുള്ള രാഷ്​ട്രീയം പ്രതിപക്ഷം ഉപേക്ഷിക്കണമെന്നും മോദി ആവശ്യപ്പെട്ടു.

2019ലെ പുൽവാമ ഭീകരാക്രമണം പ്രധാനമന്ത്രി ഇംറാൻ ഖാ​െൻറ നേതൃത്വത്തിൽ രാജ്യം നേടിയ വിജയമാണെന്നായിരുന്നു പാക്​ ശാസ്​ത്ര-സാ​ങ്കേതിക മന്ത്രി ഫവാദ്​ ചൗധരിയുടെ പരാമർശം. എന്നാൽ, ത​െൻറ പ്രസ്​താവന വളച്ചൊടിച്ചതാണെന്ന്​ പിന്നീട്​ അദ്ദേഹം വിശദീകരിച്ചിരുന്നു.