ബോജ്​പുരി ഗായകൻ ഹിരലാൽ യാദവ്​ അന്തരിച്ചു

വാരാണസി: പ്രശസ്​ത ബോജ്​പുരി ഗായകനും പത്മശ്രി പുരസ്​കാര ജേതാവുമായ ഹിരലാൽ യാദവ്​(93) വാരാണസിയിൽ അന്തരിച്ചു. ഞായ റാഴ്​ച രാവിലെയായിരുന്നു അന്ത്യം. പ്രണയ നഷ്​ടം ആധാരമാക്കിയുള്ള ‘ബിർഹ’ വിഭാഗത്തിലുള്ള ബോജ്​പുരി നാടോടി ഗായകനായിരുന്നു ഹിരലാൽ യാദവ്.

മാസങ്ങളോളമായി അസുഖ ബാധിതനായിരുന്നു. അസുഖം മൂർച്ഛിച്ചതിനെ തുടർന്ന്​ സ്വകാര്യ ആശുപത്രിയിൽ ചികിത്സയിലായിരുന്നു. കഴിഞ്ഞ ജനുവരിയിൽ ഹിരലാൽ യാദവിനെ രാജ്യം പത്മശ്രീ നൽകി ആദരിച്ചിരുന്നു.

സംഗീത ലോകത്ത്​ നൽകിയ സംഭാവനകളെ മുൻനിർത്തി 2015ൽ യഷ്​ ഭാരതി പുരസ്​കാരവും അദ്ദേഹത്തിന്​ നൽകിയിരുന്നു.