നാല് മലയാളികൾക്ക് പത്മശ്രീ; ബിപിൻ റാവത്തിന് പത്മവിഭൂഷൺ, ബുദ്ധദേവ് ഭട്ടാചാര്യക്കും ഗുലാം നബി ആസാദിനും പത്മഭൂഷൺ

ന്യൂ​ഡ​ൽ​ഹി: ഹെ​ലി​കോ​പ്​​ട​ർ അ​പ​ക​ട​ത്തി​ൽ മ​രി​ച്ച ആ​ദ്യ സം​യു​ക്ത സേ​ന മേ​ധാ​വി ജ​ന​റ​ൽ ബി​പി​ൻ റാ​വ​ത്തി​നും പ്ര​മു​ഖ ഹി​ന്ദു​ത്വ മു​ഖ​മാ​യി​രു​ന്ന യു.​പി മു​ൻ​മു​ഖ്യ​മ​ന്ത്രി ക​ല്യാ​ൺ സി​ങ്ങി​നും മ​ര​ണാ​ന​ന്ത​ര ബ​ഹു​മ​തി​യാ​യി പ​ത്മ വി​ഭൂ​ഷ​ൺ. കോ​ൺ​ഗ്ര​സ്​ നേ​താ​വ്​ ഗു​ലാം​ന​ബി ആ​സാ​ദ്, സി.​പി.​എം നേ​താ​വും പ​ശ്ചി​മ ബം​ഗാ​ൾ മു​ൻ​മു​ഖ്യ​മ​ന്ത്രി​യു​മാ​യ ബു​ദ്ധ​ദേ​വ്​ ഭ​ട്ടാ​ചാ​ര്യ എ​ന്നി​വ​ർ​ക്ക്​ പ​ത്മ​ഭൂ​ഷ​ൺ. ബു​ദ്ധ​ദേ​വ്​ പുരസ്കാരം സ്വീകരിക്കില്ലെന്ന്​ അറിയിച്ചു.

റി​പ്പ​ബ്ലി​ക്​ ദി​നം പ്ര​മാ​ണി​ച്ച്​ പ്ര​ഖ്യാ​പി​ച്ച 128 പ​ത്മ പു​ര​സ്കാ​ര​ങ്ങ​ളി​ൽ മ​ല​യാ​ളി​ക​ളാ​യ നാ​ല്​ പേ​ർ​​ക്ക്​ പ​ത്മ​ശ്രീ. സാ​ക്ഷ​ര​ത പ്ര​വ​ർ​ത്ത​ന​ത്തി​ലൂ​ടെ ശ്ര​ദ്ധേ​യ​യാ​യ മ​ല​പ്പു​റം സ്വ​ദേ​ശി​നി കെ.​വി റാ​ബി​യ, ക​വി പി. ​നാ​രാ​യ​ണ കു​റു​പ്പ്, ക​ള​രി വി​ദ​ഗ്​​ധ​ൻ സി. ​ശ​ങ്ക​ര​നാ​രാ​യ​ണ മേ​നോ​ൻ, വെ​ച്ചൂ​ർ പ​ശു പ​രി​പാ​ല​നം മു​ൻ​നി​ർ​ത്തി ശോ​ശാ​മ്മ ഐ​പ്​ എ​ന്നി​വ​ർ​ക്കാ​ണ്​ പ​ത്മ​ശ്രീ.

ഇ​ത്ത​വ​ണ നാ​ലു പ​ത്മ​വി​ഭൂ​ഷ​ൺ പു​ര​സ്കാ​രം ല​ഭി​ച്ച​വ​രി​ൽ ജീ​വി​ച്ചി​രി​ക്കു​ന്ന​ത് സം​ഗീ​ത​ജ്ഞ പ്ര​ഭ ആ​ത്രെ മാ​ത്ര​മാ​ണ്. രാ​ധേ​ശ്യാം ഖേം​ക​ക്കും മ​ര​ണാ​ന​ന്ത​ര ബ​ഹു​മ​തി​യാ​യാ​ണ് പ​ത്മ​വി​ഭൂ​ഷ​ൺ. കോ​വി​ഡ്​ വാ​ക്സി​നി​ലെ മു​ന്നേ​റ്റം മു​ൻ​നി​ർ​ത്തി സെ​റം ഇ​ൻ​സ്റ്റി​റ്റൂ​ട്ടി​ന്‍റെ സൈ​റ​സ്​ പൂ​ന​വാ​ല, ഭാ​ര​ത്​ ബ​യോ​ടെ​ക്കി​ന്‍റെ കൃ​ഷ്ണ എ​ല്ല, സു​ചി​ത്ര എ​ല്ല എ​ന്നി​വ​ർ​ക്ക്​ പ​ത്മ​ഭൂ​ഷ​ൺ. 17 പേ​ർ​ക്കാ​ണ്​ പ​ത്മ​ഭൂ​ഷ​ൺ.

ന​ട​ൻ വി​ക്ട​ർ ബാ​ന​ർ​ജി, മൈ​ക്രോ​സോ​ഫ്​​ട്​ സി.​ഇ.​ഒ സ​ത്യ ന​ദെ​ല്ല, ഗൂ​ഗ്​​ൾ സി.​ഇ.​ഒ സു​ന്ദ​ർ പി​ച്ചെ, മു​ൻ ​ആ​ഭ്യ​ന്ത​ര സെ​ക്ര​ട്ട​റി രാ​ജീ​വ്​ മ​ഹ​ർ​ഷി എ​ന്നി​വ​ർ പ​ത്മ​ഭൂ​ഷ​ൺ നേ​ടി​യ​വ​രി​ൽ ഉ​ൾ​പ്പെ​ടു​ന്നു. ഒ​ളി​മ്പി​ക്​ സ്വ​ർ​ണം നേ​ടി​യ നീ​ര​ജ്​ ചോ​പ്ര, ഗാ​യ​ക​ൻ സോ​നു നി​ഗം എ​ന്നി​വ​ര​ട​ക്കം 107 പേ​ർ​ക്കാ​ണ്​ പ​ത്മ​ശ്രീ. ഡ​ൽ​ഹി ജാ​മി​യ മി​ല്ലി​യ വൈ​സ് ചാ​ൻ​സ​ല​ർ പ്ര​ഫ.​ ന​ജ്മ അക്തർ പ​ത്മ​ശ്രീ പ​ട്ടി​ക​യി​ലു​ണ്ട്.