ദാവോസിൽ പറഞ്ഞതെല്ലാം മോദി മറന്നെന്ന്​ ചിദംബരം

ന്യൂഡൽഹി: നരേന്ദ്ര​ മോദി സർക്കാറി​​​െൻറ അവസാന സമ്പൂർണ്ണ ബജറ്റിനെ വിമർശിച്ച് മുൻ​ ധനമന്ത്രിയും കോൺഗ്രസ്​ നേതാവുമായ പി.ചിദംബരം. ദാവോസിൽ ഇന്ത്യൻ സമ്പദ്​വ്യവസ്ഥയെ കുറിച്ച്​ പറഞ്ഞ കാര്യങ്ങളെല്ലാം മോദി മറന്നെന്ന്​ അദ്ദേഹം പറഞ്ഞു. ദാവോസിൽ മോദി സൂചിപ്പിച്ച പദ്ധതികളൊന്നും ബജറ്റിൽ ഇടം കണ്ടിട്ടില്ലെന്നും ചിദംബരം കുറ്റപ്പെടുത്തി.

കേന്ദ്രസർക്കാറി​​​െൻറ ബജറ്റ്​ സമ്പൂർണ്ണ പരാജയമാണ്​. ധനകമ്മി കുറക്കുന്നതിൽ സർക്കാർ പരാജയപ്പെട്ടു. ധനകമ്മി കൂടുകയാണ്​ ചെയ്​തിരിക്കുന്നതെന്നും അദ്ദേഹം പറഞ്ഞു.

കയറ്റുമതി വർധിപ്പിക്കുന്നതിനുള്ള സുപ്രധാന നിർദേശങ്ങളൊന്നും ബജറ്റിൽ ഇടം നേടിയിട്ടില്ലെന്നും ചിദംബരം ചൂണ്ടിക്കാട്ടി.