Top
Begin typing your search above and press return to search.
exit_to_app
exit_to_app
medical oxygen shortage
cancel
camera_alt

representative image

Homechevron_rightNewschevron_rightIndiachevron_rightകർണാടക ആശ​ുപത്രിയിൽ...

കർണാടക ആശ​ുപത്രിയിൽ 36പേർ ഓക്​സിജൻ ലഭിക്കാതെ മരിച്ചു; ഹൈകോടതി സമിതി റിപ്പോർട്ട്​ തള്ളി ഉപമുഖ്യമന്ത്രി

text_fields
bookmark_border

ബംഗളൂരു: കർണാടകയിലെ ജില്ല ആശുപത്രിയിൽ മാത്രം ഓക്​സിജൻ ലഭിക്കാതെ മരിച്ചത്​ 36 കോവിഡ്​ രോഗികൾ. എന്നാൽ, സംസ്​ഥാന സർക്കാറിന്‍റെ കണക്കിൽ ഒരാൾ പോലും ഓക്​സിജൻ ക്ഷാമത്തെ തുടർന്ന്​ മരിച്ചിട്ടില്ലെന്ന്​ ഉപമുഖ്യമന്ത്രി. കേന്ദ്രസർക്കാറിന്‍റെ പൂജ്യം കണക്കിൽ പ്രതിഷേധം ശക്തമാകുന്നതിനിടെയാണ്​ കർണാടകയിലെ കോവിഡ്​ മരണസംഖ്യയുമായി ബന്ധപ്പെട്ട വിവാദം.

കർണാടക ഹൈകോടതി നിയോഗിച്ച സമിതിയുടെ കണ്ടെത്തലിൽ കോവിഡ്​ 19ന്‍റെ രണ്ടാം തരംഗത്തിൽ ചാമരാജ്​നഗറിലെ ജില്ല ആശു​പത്രിയിൽ 36 കോവിഡ്​ രോഗികൾ ഓക്​സിജൻ ലഭിക്കാതെ മരിച്ചതായി കണ്ടെത്തിയിരുന്നു. എന്നാൽ ​ഉപമുഖ്യമന്ത്രി സി.എൻ. അശ്വന്തനാരായൺ കണ്ടെത്തൽ തള്ളികളയുകയും ഒാക്​സിജൻ ക്ഷാമം മരണത്തിന്​ കാരണമായിട്ടില്ലെന്ന്​ റിപ്പോർട്ട്​ ചെയ്യുകയുമായിരുന്നു. 'ചാമരാജ്​നഗർ ജില്ല ആശുപത്രിയുടെ അശ്രദ്ധയും പിഴവും ഓക്​സിജൻ ക്ഷാമമായി വിലയിരുത്താൻ കഴിയില്ല. അത്​ ആശുപത്രിയുടെയും വ്യക്തികളുടെയും അശ്രദ്ധമൂലമാണ്​. കർണാടകയിൽ കേന്ദ്രസർക്കാറിന്‍റെ സഹാ​യത്തോടെ ഓക്​സിജനുകൾ എത്തിച്ചിരുന്നു' -മന്ത്രി പറഞ്ഞു.

മേയ്​ നാലിനും പത്തിനും ഇടയിൽ ജില്ല ആശുപത്രിയിൽ 62 മരണം സ്​ഥിരീകരിച്ചതായി സമിതി കണ്ടെത്തിയിരുന്നു. ഇതിൽ 36 പേർ ഓക്​സിജന്‍റെ അഭാവം മൂലം മേയ്​ രണ്ടിനും മൂന്നിനും മരിച്ചതായും സമിതി ​കണ്ടെത്തി. എന്നാൽ സമിതി റിപ്പോർട്ട്​ തള്ളിയ ഉപമുഖ്യമന്ത്രി സംസ്​ഥാനത്ത്​ ഓക്​സിജൻ ക്ഷാമം ഇല്ലായിരുന്നുവെന്ന്​ തറപ്പിച്ചുപറയുകയായിരുന്നു.

രാജ്യസഭയിൽ കേന്ദ്രസർക്കാർ രാജ്യത്ത്​ കോവിഡ്​ രണ്ടാം തരംഗത്തിൽ ഓക്​സിജൻ ക്ഷാമത്തെ തുടർന്ന്​ ഒരാൾപോലും മരിച്ചില്ലെന്ന കണക്ക്​ അവതരിപ്പിച്ചതിന്​ പിന്നാലെയാണ്​ സംഭവം. കേന്ദ്രസർക്കാറിന്‍റെ കണക്കിനെതിരെ കോൺഗ്രസവും പ്രതിപക്ഷ പാർട്ടികളും രംഗത്തെത്തിയിരുന്നു.

Show Full Article
TAGS:Covid 19 Covid death Oxygen Shortage Karnataka 
News Summary - Oxygen shortage killed 36 in Karnataka hospital, says HC panel report Dy CM denies
Next Story