ഓക്​സിജൻ ക്ഷാമം; മധ്യപ്രദേശിൽ നാലു കോവിഡ്​ രോഗികൾ മരിച്ചു

ഭോപാൽ: മധ്യപ്രദേശിൽ ഓക്​സിജൻ അപര്യാപ്​തതയെ തുടർന്ന് സ്വകാര്യ ആശുപത്രിയിൽ ​ നാലു കോവിഡ്​ രോഗികൾ മരിച്ചു. ദേവാസ്​ ജില്ലയിലെ അമാൽട്ട ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസസിലാണ്​ സംഭവം.

ഏഴുമണിക്കൂറോളം രോഗികൾ ഓക്​സിജൻ ലഭിക്കാതെ വലഞ്ഞതായാണ്​ വിവരം. തുടർന്ന്​ വെൻറിലേറ്ററിലേക്ക്​ മാറ്റിയെങ്കിലും നാലുപേരും മരിച്ചു. ഓക്​സിജൻ ക്ഷാമം നേരിടുന്നുണ്ടെങ്കിലും ഓക്​സിജൻ ലഭിക്കാതെയാണ്​ ഇവർ മരിച്ചതെന്ന ആരോപണം സർക്കാർ നിഷേധിച്ചു.

സംഭവം ​അന്വേഷിക്കുമെന്നും ആശുപത്രിയിലേക്ക്​ 400 സിലിണ്ടറുകൾ നൽകിയിരുന്നതായും ഇതിൽ 200 എണ്ണം ഉപയോഗിച്ചതായും ചീഫ്​ മെഡിക്കൽ ഓഫിസർ ഡോ. എം.പി. ശർമ അറിയിച്ചു. ​നാലുപേരുടെയും മരണം ഓക്​സിജൻ ലഭിക്കാത്തതിനെ തുടർന്നല്ലെന്നും അദ്ദേഹം കൂട്ടിച്ചേർത്തു.