Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഓക്​സിജൻ...

ഓക്​സിജൻ കോൺസെൻട്രേറ്റർ പൊട്ടിത്തെറിച്ച്​ യുവതി മരിച്ചു; ഭർത്താവിന്‍റെ നില ഗുരുതരം

text_fields
bookmark_border
santhosh meena rajasthan
cancel
camera_alt

Photo: India Today/Sharat Kumar

ജയ്​പൂർ: രാജസ്​ഥാനിൽ ഓക്​സിജൻ കോൺസെൻട്രേറ്റർ പൊട്ടിത്തെറിച്ച്​ യുവതിക്ക്​ ദാരുണാന്ത്യം. അപകടത്തിൽ ഭർത്താവിന്​ ഗുരുതരമായി പരിക്കേറ്റു. ഗംഗാപൂരിലെ ഉദയ്​മോറിലാണ്​ സംഭവം.

രണ്ടുമാസങ്ങൾക്ക്​ മുമ്പാണ്​ ഐ.എ.എസ്​ ഉദ്യോഗസ്​ഥനായ ഹർസഹായ്​ മീണയുടെ സഹോദരനായ സുൽത്താൻ സിങ്ങിന്​ കോവിഡ്​ ബാധിച്ചത്​. ശ്വാസതടസം അനുഭവപ്പെട്ടതി​െന തുടർന്നാണ്​ ഓക്​സിജൻ കോൺസെൻട്രേറ്റർ ഉപയോഗിച്ച്​ തുടങ്ങിയത്​. ഗേൾസ്​ ഹൈസ്​കൂളിൽ ഹെഡ്​മിസ്​ട്രസ്​ ആയിരുന്ന ഭാര്യ സന്തോഷ്​ മീണയായിരുന്നു സിങ്ങിനെ പരിചരിച്ചിരുന്നത്​.

ശനിയാഴ്ച രാവിലെ മീണ ലൈറ്റ്​ ഓൺ ചെയ്​തതും ഓക്​സിജൻ കോൺസെൻട്രേറ്റർ പൊട്ടിത്തെറിക്കുകയായിരുന്നു. ഇരുവരെയും ആശുപത്രിയിലേക്ക്​ കൊണ്ടുപോകുന്ന വഴിയാണ്​ മീണ മരിച്ചത്​. ജയ്​പൂരിൽ വിദഗ്​ധ ചികിത്സക്കായി കൊണ്ടുപോയ സുൽത്താൻ സിങ്ങിന്‍റെ ആരോഗ്യനില ഗുരുതരമായി തുടരുകയാണ്​.

ദമ്പതികളുടെ 10, 12 വയസ്​ പ്രായമുള്ള ആൺകുട്ടികൾ അപകടം നടന്ന സമയത്ത്​ വീട്ടിൽ ഇല്ലായിരുന്നു. കേസ്​ രജിസ്റ്റർ ചെയ്​ത പൊലീസ്​ ഓക്​സിജൻ കോൺസെൻട്രേറ്റർ വിതരണം ചെയ്​ത കടക്കാരനെ ചോദ്യം ചെയതു. പ്രാഥമിക പരിശോധനയിൽ ഉപകരണത്തിന്‍റെ കംപ്രസർ പൊട്ടിത്തെറിച്ചതായാണ്​ കണ്ടെത്തിയത്​.

Show Full Article
TAGS:rajasthan Oxygen Concentrator women killed 
News Summary - oxygen concentrator explodes Woman killed, husband critical
Next Story