Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഇന്ത്യൻ മുസ്​ലിംകൾ...

ഇന്ത്യൻ മുസ്​ലിംകൾ ഏറ്റവും സംതൃപ്​തരെന്ന്​ ഭഗവത്​; മൗലിക അവകാശങ്ങൾ മാത്രം മതിയെന്ന്​ ഉവൈസി

text_fields
bookmark_border
ഇന്ത്യൻ മുസ്​ലിംകൾ ഏറ്റവും സംതൃപ്​തരെന്ന്​ ഭഗവത്​; മൗലിക അവകാശങ്ങൾ മാത്രം മതിയെന്ന്​ ഉവൈസി
cancel

ഹൈദരാബാദ്​: ലോകത്ത്​ ഏറ്റവും സംതൃപ്​തരായ മുസ്​ലിംകൾ ഇന്ത്യയിലാണെന്ന​ ആർ.എസ്​.എസ്​ അധ്യക്ഷൻ മോഹൻഭാഗവതി​െൻറ പ്രസ്​താവനക്കെതിരെ എ.ഐ.എം.ഐ.എം നേതാവ്​ അസദുദ്ദീൻ ഉവൈസി.

''എന്താണ്​ ഈ സംതൃപ്​തിയുടെ മാനദണ്ഡം?. മോഹൻ ഭഗവത്​ എപ്പോഴും മുസ്​ലിംകളോട്​ ഭൂരിപക്ഷത്തിന്​ നന്ദികാണിക്കാൻ പറയുന്നു. ഭരണഘടന​പ്രകാരം മുസ്​ലിംകള​ുടെ അന്തസത്ത പാലിക്കപ്പെടുന്നുണ്ടോ എന്നതാണ്​ സംതൃപ്​തിക്ക്​ മാനദണ്ഡമാക്കേണ്ടത്​. നിങ്ങളുടെ പ്രത്യയശാസ്​ത്രം മുസ്​ലിംകളെ രണ്ടാംതരം പൗരന്മാരാക്കു​േമ്പാ​ൾ ഞങ്ങൾ എത്രമാത്രം സംതൃപ്​തരാണെന്ന്​ നിങ്ങൾ പറഞ്ഞു​തരേണ്ട, സ്വന്തം മണ്ണിൽ ജീവിക്കുന്നതിന്​ ഭൂരിപക്ഷത്തോട്​ നന്ദികാണിക്കണമെന്നതും എനിക്ക്​ കേൾക്കേണ്ട. ഞങ്ങൾ​ ഭൂരിഭക്ഷത്തി​െൻറ ദയ തേടുന്നില്ല, ഞങ്ങൾ സംതൃപ്​തിയു​ടെ കാര്യത്തിൽ ലോകമുസ്​ലിംകളോട് മത്സരിക്കുന്നുമില്ല, ഞങ്ങൾക്ക്​ വേണ്ടത്​ മൗലികാവകാശങ്ങളാണ്​''-അസദുദ്ദീൻ ഉവൈസി ഫേസ്​ബുക്കിലുടെ ​​പ്രതികരിച്ചു.

മഹാരാഷ്​ട്ര ആസ്ഥാനമായ 'വിവേക്'​ എന്ന ഹിന്ദി മാസികക്ക്​ നൽകിയ അഭിമുഖത്തിലായിരുന്നു മോഹൻ ഭാഗവത്​ അഭിപ്രായപ്രകടനം നടത്തിയത്​​.

ഒരു വിദേശ മതം ജനങ്ങളെ ഭരിക്കുകയും അത്​ ഇപ്പോഴും അവിടെ നിലനിൽക്കുകയും ചെയ്യുന്നതിന്​ ലോകത്ത്​ മറ്റ്​ ഉദാഹരണങ്ങളില്ല. അത്​ ഇന്ത്യയിൽ മാത്രമേ ഉള്ളൂ. ഇന്ത്യയിൽ നിന്ന്​ വ്യത്യസ്​തമാണ്​ പാകിസ്​താൻ. അത്​ മുസ്​ലിംകൾക്ക്​ വേണ്ടി മാത്രം ഉണ്ടാക്കിയ രാജ്യമാണ്​. മറ്റ്​ മതങ്ങളിൽപെട്ടവർക്ക്​ പാകിസ്​താൻ അവകാശങ്ങളൊന്നും നൽകുന്നി​ല്ലെന്നും മോഹൻ ഭാഗവത്​ പറഞ്ഞിരുന്നു.

''ഹിന്ദുക്കൾക്ക്​ മാത്രമേ ഇവി​ടെ കഴിയാൻ സാധിക്കൂ എന്നോ ഇനി മുതൽ ഹിന്ദുവിനെ മാത്രമേ കേൾക്കൂ എന്നോ നിങ്ങൾക്ക്​ ഇവിടെ കഴിയണമെങ്കിൽ നിങ്ങൾ ഹിന്ദുവി​​െൻറ അധീശത്വം അംഗീകരിക്കേണ്ടതുണ്ട്​ എന്നോ ഇന്ത്യൻ ഭരണ ഘടന പറയുന്നില്ല. നമ്മൾ അവർക്ക്​ ഇവിടെ ഒരിടം ഒരുക്കിയിട്ടുണ്ട്​. ഇതാണ്​ നമ്മു​ടെ രാജ്യത്തി​െൻറ പ്രകൃതം. ആ അന്തർലീന പ്രകൃതത്തെയാണ്​ ഹിന്ദു എന്ന്​ വിളിക്കുന്നത്​.'' -മോഹൻഭാഗവത്​ പറഞ്ഞു.

അയോധ്യയിലെ രാമക്ഷേത്രത്തെ കുറിച്ചും മോഹൻ ഭാഗവത്​ പരമർശിച്ചു. രാമക്ഷേത്രം കേവലം ആചാരപരമായ ഉദ്ദേശ്യത്തിനായിട്ടല്ലെന്നും അത്​ രാജ്യത്തി​െൻറ ദേശീയ മൂല്യത്തി​േൻറയും സ്വഭാവത്തി​െൻറയും അടയാളമാണെന്നും അദ്ദേഹം പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Asaduddin OwaisiMohan Bhagwat
News Summary - Owaisi slams Mohan Bhagwat over remarks on Muslims
Next Story