19കാരൻ 24കാരിയായ കാമുകിയെ പുരുഷൻമാരുടെ ശുചിമുറിയിൽ വെച്ച്​ കൊലപ്പെടുത്തി

മുംബൈ: നിസാര വഴക്കിനെ തുടർന്ന്​ കൗമാരക്കാരൻ 24കാരിയായ ത​െൻറ പങ്കാളിയെ ​കൊലപ്പെടുത്തി. വ്യാഴാഴ്​ച അന്ധേരി പൊലീസ്​ സ്​റ്റേഷൻ പരിധിയിലാണ്​ സംഭവം. ​24 കാരിയായ ജ്യോതി ഗൗഡയാണ്​ കൊല്ലപ്പെട്ടത്​. കൊലപാതകത്തിന്​ ശേഷം പശ്ചിമ ബംഗാളിലേക്ക്​ രക്ഷപ്പെടാൻ ശ്രമിച്ച പ്രതി നിയാസ്​ അൻസാരിയെ 24 മണിക്കൂറിനുള്ളിൽ പൊലീസ്​ പിടികൂടി.

മാലിന്യം ശേഖരിക്കുന്ന ജോലി ചെയ്​തിരുന്ന ജ്യോതിയും അൻസാരിയും മീര റോഡ്​ പ്രദേശത്തെ വ​ഴിയരികിലായിരുന്നു താമസം. ജോലിയുടെ ഭാഗമായി ഇരുവരും എല്ലാ ദിവസവും നഗരത്തിലേക്ക് യാത്ര ചെയ്തിരുന്നു. മെയ് 27 ന് രാത്രി ഏഴു മണിയോടെ മറ്റൊരു കാമുകി-കാമുകൻമാർക്കൊപ്പം അന്ധേരി (കിഴക്ക്) പരിസരത്ത് എത്തി.

നിസ്സാരമായ വഴക്കിനെ തുടർന്ന്​ അൻസാരി ജ്യോതിയെ സമീപത്തെ​ മെട്രോ റെയിൽ സ്റ്റേഷന് താഴെയുള്ള പുരുഷന്മാരുടെ ശുചിമുറിക്കരികിലേക്ക്​​ ഓടിച്ച​ു​ . ശുചിമുറിയുടെ വാതിൽ അകത്ത് നിന്ന് പൂട്ടിയ പ്രതി ജ്യോതിയുടെ തല വെള്ളത്തി​െൻറ ടാപ്പിൽ ഇടിച്ച്​ പരിക്കേൽപിച്ചു. ഗുരുതരമായി പരിക്കേറ്റ ജ്യോതി മരിച്ചു.

ശുചിമുറിയിലെ ജീവനക്കാരനെ തള്ളിമാറ്റിയ ശേഷം അൻസാരി അവിടെ നിന്ന്​ രക്ഷ​െപ​ട്ടു. ഇയാളാണ്​ പൊലീസിനെ വിവരമറിയിച്ചത്​. സി.സി.ടി.വി ദൃശ്യങ്ങളുടെ സഹായത്തോടെ ഇവർക്കൊപ്പമുണ്ടായിരുന്ന ​മറ്റേ കമിതാക്കളെ കണ്ടെത്തുകയും അവരിലൂടെ അൻസാരിയിലേക്ക്​ എത്തുകയുമായിരുന്നു പൊലീസ്​.

വെള്ളിയാഴ്ച പശ്ചിമ ബംഗാളിലേക്ക് രക്ഷപ്പെടാനുള്ള ശ്രമത്തിനിടെ ജോഗേശ്വരി പ്രദേശത്തെ ഒളിത്താവളത്തിൽ നിന്നാണ്​ അൻസാരിയെ പിടികൂടിയത്​.