ഏപ്രിലിൽ രാജ്യത്ത്​ തൊഴിൽ നഷ്​ടമായത്​ 75 ലക്ഷംപേർക്ക്​; തൊഴിലില്ലായ്​മാ നിരക്ക്​ കുതിക്കുന്നു

മുംബൈ: ഏപ്രിലിൽ രാജ്യത്ത്​ തൊഴിൽ നഷ്​ടമായത്​ 75 ലക്ഷംപേർക്കെന്ന്​ സ്​ഥിതിവിവരക്കണക്ക്​. സെൻറർ ഫോർ മോനിറ്ററിങ്​ ഇന്ത്യൻ എക്കണോമി (സി‌എം‌ഐ‌ഇ) ആണ്​ ഇക്കാര്യം അറിയിച്ചത്​. തൊഴിൽ മേഖലയിലെ സ്ഥിതി ഇനിയും മോശമാകുമെന്നും സി‌എം‌ഐ‌ഇ മാനേജിങ്​ ഡയറക്​ടറും ചീഫ് എക്​സിക്യൂട്ടീവുമായ മഹേഷ് വ്യാസ് പറഞ്ഞു. ദേശീയ തൊഴിലില്ലായ്​മാ നിരക്ക് 7.97 ശതമാനത്തിലെത്തി. കേന്ദ്രത്തി​െൻറ കണക്കനുസരിച്ച് നഗരപ്രദേശങ്ങളിൽ തൊഴിലില്ലായ്​മാ നിരക്ക് 9.78 ശതമാനവും ഗ്രാങ്ങളിൽ 7.13 ശതമാനവുമാണ്.

മാർച്ചിൽ ദേശീയ തൊഴിലില്ലായ്​മാ നിരക്ക് 6.50 ശതമാനമായിരുന്നു. കോവിഡ്​ രണ്ടാംതരംഗത്തെ തുടർന്ന്​ രാജ്യത്തുടനീളം ലോക്​ഡൗണുകൾ പ്രഖ്യാപിച്ചത്​ തൊഴിൽ നഷ്​ടപ്പെടുന്നതി​െൻറ ആക്കം കൂട്ടിയിട്ടുണ്ട്​. നിലവിലെ സാഹചര്യത്തിൽ തൊഴിലില്ലായ്​മ ഉയർന്ന തോതിൽ തുടരാനാണ് സാധ്യതയെന്ന്​ മഹേഷ് വ്യാസ് പറയുന്നു. തൊഴിൽ സേനയുടെ പങ്കാളിത്ത നിരക്കും കുറയാൻ സാധ്യതയുണ്ട്. 'ഏറ്റവും മോശം അവസ്ഥയിൽ, രണ്ടും സംഭവിക്കാം' അദ്ദേഹം കൂട്ടിച്ചേർത്തു. ആദ്യലോക്​ഡൗൺ കാലത്ത്​ രാജ്യ​െത്ത തൊഴിലില്ലായ്​മാ നിരക്ക് 24 ശതമാനം വരെ ഉയർന്നിരുന്നു.

നിലവിൽ കോവിഡ്​ കാരണം ഇന്ത്യയിൽ പ്രതിദിനം നാല്​ ലക്ഷത്തോളം പുതിയ അണുബാധകളും 40ത്തെിലധികം മരണങ്ങളും റിപ്പോർട്ട് ചെയ്യുന്നുണ്ട്​. സാമ്പത്തിക പ്രവർത്തനങ്ങളെ ബാധിച്ചതിനാൽ ലോക്​ഡൗണുകളെ അവസാന ആശ്രയമായി കാണണമെന്ന് പ്രധാനമന്ത്രി നരേന്ദ്ര മോദി പറഞ്ഞിരുന്നു. പ്രതിവർഷം രണ്ട്​ കോടി പുതിയ തൊഴിൽ ഉത്​പാദിപ്പിക്കുമെന്നാണ്​ അധികാമേൽക്കു​േമ്പൾ നരേന്ദ്ര മോദി വാഗ്​ദാനം ചെയ്​തിരുന്നത്​.