​ഇതുവരെ കോവിഡ്​ വാക്​സിൻ സ്വീകരിച്ചത്​ 2.27ലക്ഷം ഗർഭിണികൾ; ഏറ്റവും കൂടുതൽ തമിഴ്​നാട്ടിൽ

ന്യൂഡൽഹി: രാജ്യത്ത്​ ഒരു മാസത്തിനിടെ 2.27 ലക്ഷം ഗർഭിണികൾ കോവിഡ്​ വാക്​സിൻ സ്വീകരിച്ചതായി കേന്ദ്രസർക്കാർ. തമിഴ്​നാട്ടിലാണ്​ ഏറ്റവും കൂടുതൽ ഗർഭിണികൾ വാക്​സിൻ സ്വീകരിച്ചതെന്നും കേന്ദ്രം പറയുന്നു.

ജൂലൈ രണ്ടിനാണ് ഗർഭിണികൾക്ക്​​ കോവിഡ്​ വാക്​സിൻ നൽകുന്നതിന്​ കേന്ദ്രം അംഗീകാരം നൽകിയത്. ഗർഭത്തിന്‍റെ ഏത്​ ഘട്ടത്തിലും​ വാക്​സിൻ സ്വീകരിക്കാ​െമന്നും വിദഗ്​ധർ അറിയിച്ചിരുന്നു. ഗർഭിണികൾക്ക്​ വാക്​സിൻ നൽകാൻ ആരംഭിച്ച്​ ഒരു മാസം തികയു​േമ്പാൾ

തമിഴ്​നാട്ടിൽ 78,838 ​പേർ വാക്​സിൻ സ്വീകരിച്ചു. ആന്ധ്രപ്രദേശിൽ 34,228 പേരും ഒഡീഷയിൽ 29,821 ​പേരും വാക്​സിൻ സ്വീകരിച്ചു. കേരളത്തിൽ 18,423 ഗർഭിണികളാണ്​ ഇതുവരെ വാക്​സിൻ സ്വീകരിച്ചതെന്നും കണക്കുകൾ വ്യക്തമാക്കുന്നു.

വാക്​സിനേഷനെക്കുറിച്ച്​ ഗർഭിണികളെയും കുടുംബങ്ങളെയും ബോധവൽക്കരിക്കാൻ സർക്കാർ മുൻനിര പോരാളികളെ ചുമതലപ്പെടുത്തിയിരുന്നു. ഗർഭിണികൾക്ക്​ നൽകേണ്ട പരിചരണത്തിനൊപ്പം വാക്​സിനേഷൻ പ്രധാന്യവും ഇവർ വിവരിച്ച്​ നൽകും.

ഗർഭാവസ്​ഥയിൽ കോവിഡ്​ ബാധിച്ചാൽ ഗുരുതരമാകാനുള്ള സാധ്യത വളരെ കൂടുതലാണ്​. ഇത്​ കുഞ്ഞിന്‍റെയും മാതാവിന്‍റെയും ആരോഗ്യത്തെയും പ്രതികൂലമായി ബാധിക്കും. കോവിഡിന്‍റെ ആഘാതം കുറക്കാൻ വാക്​സിന്​ സാധിക്ക​ുമെന്നാണ്​ വിദഗ്​ധർ പറയുന്നത്​.