പി.എം കിസാൻ പദ്ധതിയിൽ ആനുകൂല്യം ലഭിക്കാതെ 1.5 കോടി കർഷകർ

ന്യൂഡൽഹി: പ്രധാനമ​ന്ത്രി കിസാൻ സമ്മാൻ നിധിയിൽ ലോക്​ഡൗണിനെ തുടർന്ന്​ പ്രഖ്യാപിച്ച ആദ്യഘട്ട ആനുകൂല്യം ലഭിക്കാതെ 1.5 കോടി കർഷകർ. ലോക്​ഡൗണിൻെറ സാഹചര്യത്തിൽ ഏപ്രിൽ ആദ്യവാരം തന്നെ പദ്ധതിയുടെ സാമ്പത്തിക വർഷത്തിലെ ആദ്യഗഡു നൽകു​െമന്ന്​ ധനമന്ത്രി നിർമല സീതാരാമൻ ആത്മനിർഭർ ഭാരത്​ പദ്ധതി പ്രഖ്യാപന വേളയിൽ അറിയിച്ചിരുന്നു. എന്നാൽ പി.എം കിസാൻ പദ്ധതി പ്രകാരം രജിസ്​റ്റർ ചെയ്​ത ഒന്നരക്കോടി കർഷകർക്ക്​ ആദ്യഘട്ട ആനുകൂല്യം ഇതുവരെ ലഭിച്ചിട്ടില്ല. രാജ്യത്ത് 9,93,25,834 ​കർഷകരാണ്​ പദ്ധതിയിൽ രജിസ്​റ്റർ ചെയ്​തത്​. ഏപ്രിൽ -ജൂലൈ മാസത്തി​െല ആനുകൂല്യം ജൂൺ 23 വരെ വിതരണം ചെയ്​തത്​​ 8,38,78,120 പേർക്ക്​ മാത്രവും.

രാജ്യത്തെ കർഷകർക്ക്​ വർഷത്തിൽ 6,000 രൂപ നൽകുന്ന പദ്ധതിയാണ്​ പി.എം. കിസാൻ സമ്മാൻ നിധി. മൂന്നു ഘട്ടമായി നാലു മാസം കൂടു​േമ്പാൾ 2000 രൂപ വീതം കർഷകരുടെ അക്കൗണ്ടിൽ നിക്ഷേപിക്കും. കോവിഡിനെ തുടർന്ന്​ ലോക്​ഡൗൺ പ്രഖ്യാപിച്ച സാഹചര്യത്തിൽ ആദ്യഗഡു ഏപ്രിൽ ആദ്യവാരം കർഷകരുടെ അക്കൗണ്ടിൽ നിക്ഷേപിക്കുമെന്നായിരുന്നു പ്രഖ്യാപനം. ലോക്​ഡൗണിൽ സാമ്പത്തിക സഹായമായായിരുന്നു ഈ തുക പ്രഖ്യാപിച്ചത്​. എന്നാൽ ജൂൺ അവസാന വാരമായിട്ടും ഒന്നരക്കോടി ജനങ്ങൾക്ക്​ തുക എത്തിക്കാൻ സാധിച്ചിട്ടില്ലെന്ന്​ 'ദി പ്രിൻറ്'​ റിപ്പോർട്ട്​ ചെയ്​തു. ഏപ്രിൽ -ജൂലൈ മാസത്തെ ഗഡു വിതരണം ചെയ്യാൻ തുടങ്ങിയിട്ടും കർഷകരെ മുഴുവൻ പദ്ധതിയിൽ ഉൾക്കൊള്ളിക്കാനോ ആനുകൂല്യം കൊടുത്തുതീർക്കാനോ ഇതുവരെ സാധിച്ചിട്ടില്ല.

പി.എം കിസാൻ പദ്ധതിയിൽ ഏറ്റവും കൂടുതൽ കർഷകർ രജിസ്​റ്റർ ചെയ്​തത്​ ഉത്തർ പ്രദേശിലാണ്​. രജിസ്​റ്റർ ചെയ്​ത 2.28 കോടി കർഷകരിൽ 54.15 ലക്ഷം പേർക്കും ഇനിയും ആനുകൂല്യം ലഭിച്ചിട്ടില്ല​. ഉത്തർപ്രദേശിന്​ പുറമെ ഒഡീഷയിലാണ്​ ഏറ്റവും കൂടുതൽ കർഷകർക്ക്​ ആനുകൂല്യം ലഭിക്കാത്തത്​​. രജിസ്​റ്റർ ചെയ്​തവരിൽ 46ശതമാനം പേർക്കും ഇതുവരെ ആനുകൂല്യം ലഭ്യമായിട്ടില്ല. ഝാർഖണ്ഡ്​, ആന്ധ്രപ്രദേശ്​ എന്നീ സംസ്​ഥാനങ്ങളിലെ ആറുലക്ഷത്തോളം കർഷകർക്കും കേരളം, പഞ്ചാബ്​, മധ്യപ്രദേശ്​ എന്നിവിടങ്ങളിലെ നാലുലക്ഷത്തോളം കർഷകർക്കും ആനുകൂല്യം ലഭിച്ചിട്ടില്ല.

അതേസമയം ഗുണഭോക്താവിന്​ ആനുകൂല്യം ലഭിക്കാൻ അർഹതയുണ്ടോ ഇല്ലയോ എന്ന പരിശോധിക്കാനെടുക്കുന്ന കാലതാമസമാണ്​ ആനുകൂല്യം ലഭിക്കാൻ വൈക​ുന്നതിന്​ കാരണമെന്ന്​ ഉദ്യോഗസ്​ഥർ പറയുന്നു. ഝാർഖണ്ഡും ബീഹാറും പദ്ധതി നടപ്പാക്കാനവശ്യമായ നടപടികൾ സ്വീകരിക്കുന്നതിൽ വീഴ്​ച വരുത്തുന്നതായും അവർ കൂട്ടിച്ചേർത്തു.