രാജ്യത്ത്​ 24 മണിക്കൂറിനിടെ 11,502 കോവിഡ്​ ബാധിതർ; 325 മരണം

ന്യൂഡൽഹി: രാജ്യത്ത്​ കഴിഞ്ഞ 24 മണിക്കൂറിനിടെ 11,502 പേർക്ക്​ കോവിഡ്​ സ്ഥിരീകരിച്ചു. ഇതോടെ ഇന്ത്യയിലെ കോവിഡ്​ ബാധിതരുടെ എണ്ണം 3,32,424 ആയി. 325 പേർ കഴിഞ്ഞ 24 മണിക്കൂറിനിടെ മരിച്ചു. ഇതോടെ ആകെ മരണം 9,520 ആയി.

1,53,106 പേരാണ്​ നിലവിൽ രോഗം ബാധിച്ച്​ ചികിൽസയിലുള്ളത്​. 1,69,797 പേർക്ക്​ രോഗം ഭേദമായി​. രാജ്യത്ത്​ മൂന്നിലൊന്ന്​ കോവിഡ്​ കേസുകളും റിപ്പോർട്ട്​ ചെയ്​ത മഹാരാഷ്​ട്രയിൽ ഇതുവരെ 107,958 പേർക്കാണ്​ രോഗം സ്ഥിരീകരിച്ചത്​. മരണം 3,950 ആകുകയും ചെയ്​തു.

മഹാരാഷ്​ട്ര കഴിഞ്ഞാൽ ഗുജറാത്ത്​, ഡൽഹി, തമിഴ്​നാട്​ തുടങ്ങിയ സ്ഥലങ്ങളിലാണ്​ ഏറ്റവും കൂടുതൽ കോവിഡ്​ കേസുകളുള്ളത്​. ഗുജറാത്തിൽ 23,544 പേർക്കും ഡൽഹിയിൽ 41,182 പേർക്കും തമിഴ്​നാട്ടിൽ 44,661 പേർക്കും രോഗം സ്ഥിരീകരിച്ചു.