സർവീസുകൾ പുനഃക്രമീകരിച്ച്​ എയർ ഇന്ത്യ

ന്യൂഡൽഹി: അതിർത്തിയിലെ സംഘാർഷാവസ്ഥ തുടരുന്ന സാഹചര്യത്തിൽ പാകിസ്​താൻ വ്യോമപാതയിലൂടെയുള്ള സർവീസുകൾ പുനഃക്ര മീകരിച്ച്​ എയർ ഇന്ത്യ. പാകിസ്​താൻ അതിർത്തിയിലുടെ പറക്കുന്ന വിമാനങ്ങൾ ഷാർജ, ദുബൈ വഴി​ തിരിച്ച്​ വിടുകയാണ്​ ഉണ് ടായത​്​. എയർ ഇന്ത്യ ട്വിറ്ററിലുടെയാണ്​ ഇക്കാര്യം അറിയിച്ചത്​.

#FlyAI : Flight Status #UPDATE pic.twitter.com/EgTbn3VNso

— Air India (@airindiain) February 27, 2019

യുറോപ്പിൽ നിന്ന്​ ഡൽഹിയിലേക്ക്​ വരുന്ന എയർ ഇന്ത്യയുടെ വിമാനങ്ങൾ മുംബൈയിലേക്കും, അഹമ്മദാബാദിലേക്കും വഴിതിരിച്ച്​ വിട്ടിട്ടുണ്ട്​. വിമാനങ്ങ​ളൊന്നും റദ്ദാക്കിയിട്ടില്ലെന്നും ചിലത്​ വൈകാൻ സാധ്യതയുണ്ടെന്നും എയർ ഇന്ത്യ അറിയിച്ചു. യാത്രക്കാർ വിമാനങ്ങളുടെ തൽസ്ഥിതി പരിശോധിച്ചതിന് ശേഷം​ മാത്രം യാത്രക്കൊരുങ്ങണമെന്നും എയർ ഇന്ത്യ വ്യക്​തമാക്കുന്നു​.

എയർ ഇന്ത്യക്കൊപ്പം ജെറ്റ്​ എയർവേയ്​സ്​, ഖത്തർ എയർവേയ്​സ്​, സിംഗപ്പൂർ എയർലൈൻസ്​ എന്നിവരും വിമാനങ്ങൾ വഴിതിരിച്ച്​ വിട്ടിട്ടുണ്ട്​.