Begin typing your search above and press return to search.
exit_to_app
exit_to_app
രാമക്ഷേത്ര ശിലാന്യാസ ദിനത്തെ സ്വാതന്ത്ര്യ ദിനത്തോട്​ ഉപമിച്ച്​ ആർ.എസ്​.എസ്​
cancel
Homechevron_rightNewschevron_rightIndiachevron_rightരാമക്ഷേത്ര ശിലാന്യാസ...

രാമക്ഷേത്ര ശിലാന്യാസ ദിനത്തെ സ്വാതന്ത്ര്യ ദിനത്തോട്​ ഉപമിച്ച്​ ആർ.എസ്​.എസ്​

text_fields
bookmark_border

അയോധ്യയിലെ രാമക്ഷേത്ര ശിലാന്യാസം ഭാരതത്തി​െൻറ മറ്റൊരു സ്വാതന്ത്ര്യദിനമായിരുന്നുവെന്ന്​ ആർ.എസ്​.എസ്​ ജിഹ്വയായ ഒാർഗനൈസർ. ദേശീയ ബോധത്തി​െൻറ പുനർ നിർമാണം എന്ന തലക്കെട്ടിൽ പ്രസിദ്ധീകരിച്ച എഡിറ്റോറിയലിലാണ്​ ശിലാന്യാസത്തെ ചരിത്ര സംഭവമായി വിശേഷിപ്പിക്കുന്നത്​.

സ്വാതന്ത്ര്യ ദിനത്തെ ആദ്യപ്രധാനമന്ത്രി ജവഹർലാൽ നെഹ്​റു വിശേഷിപ്പിച്ച 'ട്രിസ്​റ്റ്​ വിത്ത്​ ഡെസ്​റ്റിനി (tryst with destiny)' എന്ന പദമാണ്​ ശിലാന്യസം നടത്തിയ ആഗസ്​റ്റ്​ 5 നെ വിശേഷിപ്പിക്കാൻ ഒാർഗനൈസർ ഉപയോഗിച്ചത്​. സാംസ്​കാരിക ദേശീയത തിരിച്ചുപിടിക്കുന്നതി​െൻറ ചുവടായാണ്​ ശിലാന്യാസത്തെ വിശേഷിപ്പിക്കുന്നത്​.

492 വർഷം നീണ്ട സാംസ്​കാരിക യുദ്ധം ഭരണഘടനാ സാധ്യതകളെ ഉപയോഗപ്പെടുത്തി വിജയത്തിലെത്തിച്ച സന്ദർഭമാണ്​ ആഗസ്​റ്റ്​ 5. ശലാന്യാസം കാരണം സാധാരണ മുസ്​ലിംകൾക്ക്​ സുരക്ഷിതത്വത്തെകുറിച്ച്​ ആശങ്കയൊന്നും ഉണ്ടായിട്ടി​െല്ലന്നും ഒാർഗനൈസർ പറയുന്നു. എതിർപ്പുയർത്തിയ മതേതരവാദികളും കമ്യൂണിസ്​റ്റുകളും അവരുടെ ഇടം നഷ്​ടമാകുന്നതിലെ ഭയമാണ്​ പ്രകടിപ്പിക്കുന്നത്​. സാംസ്​കാരിക തനിമ പുനർസൃഷ്​ടിക്കുന്നതിലെ വേദനയാണ്​ അവർക്ക്​.

ഭാരതത്തെ വിഭജിക്കാനുള്ള ശ്രമമാണ്​ കമ്യൂണിസ്​റ്റുകളും മതേതരവാദികളും നടത്തുന്നത്​. ഇന്ത്യയെ നിർവചിക്കുക്കയും നിർണയിക്കുകയും ചെയ്യുന്നതിലെ അവരുടെ അപ്രമാദിത്വമാണ്​ ആഗസ്​റ്റ്​ അഞ്ചിന്​ തകർന്നതെന്നും ഒാർഗനൈസർ അവകാശപ്പെടുന്നു.

വിഘടനവാദികളിൽ നിന്ന്​ ബൗദ്ധികവും സാംസ്​കാരികവുമായ സ്വാതന്ത്ര്യം പ്രതീകാത്മകമായി നേടുകയാണ്​ ആഗസ്​റ്റ്​ അഞ്ചിന്​ ചെയ്​തത്​. രാമജൻമഭൂമി മുന്നേറ്റം പുതിയ ദേശീയ ബോധത്തിന്​ വഴിവെക്കുകയായിരുന്നുവെന്നും ഒാർഗനൈസർ പറയുന്നു.

Show Full Article
TAGS:Ram Mandir ram mandhir RSS secularism 
Next Story