‘ജീതേഗ ഇന്ത്യ’യിൽ അണിനിരന്ന്​ പ്രതിപക്ഷ നേതാക്കൾ

ന്യൂ​ഡ​ൽ​ഹി: ബി.​ജെ.​പി​യെ അ​ധി​കാ​ര​ത്തി​ൽ​നി​ന്ന്​ പു​റ​ത്താ​ക്കി രാ​ജ്യ​ത്തെ ര​ക്ഷി​ക്കാ​ൻ രാ​​ജ്യ​സ്​​നേ​ഹി​ക​ൾ മു​ന്നോ​ട്ടു വ​രേ​ണ്ട സ​മ​യ​മാ​ണി​തെ​ന്ന്​ സി.​പി.​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി. ജ​നാ​ധി​പ​ത്യ വി​ശ്വാ​സി​ക​ൾ ഒ​ന്നി​ച്ചു നി​ന്നാ​ൽ ബി.​ജെ.​പി​യെ തോ​ൽ​പി​ക്കാ​ൻ ക​ഴി​യും.

‘ജീ​തേ​ഗ ഇ​ന്ത്യ’ പ്ര​ചാ​ര​ണ​ത്തി​ന്‍റെ ഭാ​ഗ​മാ​യി ജ​നാ​ധി​പ​ത്യം, മ​ത​നി​ര​പേ​ക്ഷ​ത, സാ​മൂ​ഹി​ക നീ​തി എ​ന്നീ മു​ദ്രാ​വാ​ക്യ​ങ്ങ​ൾ മു​ന്നോ​ട്ടു​​ ​വെ​ച്ച്​ ഡ​ൽ​ഹി​യി​ൽ സം​ഘ​ടി​പ്പി​ച്ച ദേ​ശീ​യ ക​ൺ​വെ​ൻ​ഷ​നി​ൽ സം​സാ​രി​ക്കു​ക​യാ​യി​രു​ന്നു യെ​ച്ചൂ​രി. ഭ​ര​ണ​ഘ​ട​ന​യു​ടെ അ​ടി​സ്ഥാ​ന മൂ​ല്യ​ങ്ങ​ളാ​യ മ​ത​നി​ര​പേ​ക്ഷ​ത​യും സാ​മൂ​ഹി​ക നീ​തി​യും ബി.​ജെ.​പി​യു​​ടെ ഭ​ര​ണ​ത്തി​നു കീ​ഴി​ൽ തു​ട​ർ​ച്ച​യാ​യി ആ​ക്ര​മി​ക്ക​പ്പെ​ടു​ക​യാ​ണെ​ന്ന്​ യെ​ച്ചൂ​രി പ​റ​ഞ്ഞു.

ബി.​ജെ.​പി​യെ പു​റ​ത്താ​ക്കാ​ൻ വി​വി​ധ പാ​ർ​ട്ടി​ക​ളു​ടെ കൂ​ട്ടാ​യ്മ രൂ​പ​പ്പെ​ട്ടി​ട്ടു​ണ്ട്. രാ​ജ്യ​ര​ക്ഷ​ക്കാ​യി പോ​രാ​ട്ടം തു​ട​രു​ക​യും വി​ജ​യി​ക്കു​ക​യും വേ​ണ​മെ​ന്ന്​ യെ​ച്ചൂ​രി കൂ​ട്ടി​ച്ചേ​ർ​ത്തു.

കോ​ൺ​ഗ്ര​സ്​ നേ​താ​വ്​ ദി​ഗ്​​വി​ജ​യ്​ സി​ങ്, സി.​പി.​ഐ ജ​ന​റ​ൽ സെ​ക്ര​ട്ട​റി ഡി. ​രാ​ജ, സി.​പി.​ഐ -എം.​എ​ൽ ​ജ​ന​റ​ൽ സെ​ക്ര​ട്ട​റി ദീ​പാ​ങ്ക​ർ ഭ​ട്ടാ​ചാ​ര്യ, ഫോ​ർ​വേ​ഡ്​ ബ്ലോ​ക്ക്​ ജ​ന​റ​ൽ സെ​ക്ര​ട്ട​റി ജി. ​ദേ​വ​രാ​ജ​ൻ, സ​മാ​ജ്​​വാ​ദി പാ​ർ​ട്ടി പ്ര​തി​നി​ധി ജാ​വേ​ദ്​ അ​ലി​ഖാ​ൻ, യോ​ഗേ​ന്ദ്ര യാ​ദ​വ്, സി.​പി. ജോ​ൺ തു​ട​ങ്ങി​യ​വ​ർ സം​സാ​രി​ച്ചു.

ഗാ​ന്ധി​ജ​യ​ന്തി ദി​ന​ത്തി​ൽ വാ​ർ​ധ​യി​ലെ സേ​വാ​ഗ്രാ​മി​ൽ​നി​ന്ന്​ ദേ​ശ​വ്യാ​പ​ക പ്ര​ചാ​ര​ണ​ത്തി​ന്​ തു​ട​ക്കം കു​റി​ക്കാ​ൻ നി​ശ്ച​യി​ച്ചി​ട്ടു​ണ്ട്. 1.25 ല​ക്ഷം സ​ന്ന​ദ്ധ​പ്ര​വ​ർ​ത്ത​ക​ർ ഗ്രാ​മ​ങ്ങ​ൾ​തോ​റും പ്ര​ചാ​ര​ണം ന​ട​ത്തും.