പ്രതിപക്ഷം വ്യാജം പ്രചരിപ്പിക്കുന്നു; രാജ്യത്തിനായി മോദിയുടെ നന്മകൾ തുടരുമെന്ന്​ ഖുശ്​ബു

കോവിഡ്​ വാക്​സിൻ ലഭ്യമാക്കുന്നതിലും വിതരണം ചെയ്യുന്നതിലും കേന്ദ്രസർക്കാർ വരുത്തിയ വീഴ്​ചകളെ ന്യായീകരിച്ചും പ്രതിപക്ഷത്തെ ആക്രമിച്ചും നടിയും നേതാവുമായ ഖുശ്​ബു സുന്ദർ. പ്രതിപക്ഷം വ്യാജ വാർത്തകൾ പ്രചരിപ്പിക്കുകയാണെന്നും മോദി രാജ്യത്തിനായി നന്മകൾ ചെയ്യുന്നത്​ തുടരുമെന്നും അവർ ട്വീറ്റ്​ ചെയ്​തു.

പ്രതിപക്ഷം വ്യാജ വാർത്തകൾ പ്രചരിപ്പിക്കുകയാണ്​. കാര്യമെന്തായാലും എതിർക്കുക എന്നതാണ്​ അവർ ചെയ്യുന്നത്​. അതു തന്നെയാണ്​ അവരിൽ നിന്ന്​ പ്രതീക്ഷിക്കുന്നതും. ഉത്തരവാദിത്വമുള്ള പ്രതിപക്ഷമാ​േകണ്ടത്​ എങ്ങിനെയെന്ന്​ അവർ ഒരിക്കലും​ മനസിലാക്കില്ല. ഞങ്ങൾ ബി.ജെ.പിയും നരേ​ന്ദ്ര മോദിജിയും രാജ്യത്തിനും രാജ്യനിവാസികൾക്കുമായി നന്മകൾ ചെയ്യുന്നത്​ തുടരും -ഖുശ്​ബു ട്വീറ്റ്​ ചെയ്​തു.

കോവിഡ്​ വാക്​സിൻ ലഭ്യമാക്കുന്നതിലെ വീഴ്​ചകൾ സംബന്ധിച്ച്​ പ്രതിപക്ഷം ഉന്നയിക്കുന്ന ആരോപണങ്ങൾക്കെതിരെ ബിജെ.പി ദേശീയ ജനറൽ സെക്രട്ടറി സി.ടി രവി നടത്തിയ ട്വീറ്റ്​ സഹിതമായിരുന്നു ഖുശ്​ബുവി​െൻറ ട്വീറ്റ്​. തമിഴ്​നാട്​ ബി.ജെ.പിയുടെ ചുമതലയുള്ള ദേശീയ ജനറൽ സെക്രട്ടറിയാണ്​ സി.ടി രവി.

നേരത്തെ കോൺഗ്രസിലുണ്ടായിരുന്ന ഖുശ്​ബു പിന്നീട്​ പാർട്ടി വിട്ട്​ ബി​.ജെ.പിയിൽ ചേരുകയായിരുന്നു. കോൺഗ്രസി​െൻറ താര പ്രചാരകയായിരുന്ന ഖുശ്​ബു കഴിഞ്ഞ നിയമസഭാ തെരഞ്ഞെടുപ്പിൽ തമിഴ്​നാട്ടിൽ ബി.ജെ.പിയുടെ താരപ്രചാരകയായിരുന്നു. എന്നാൽ, ബിജെ.പിയുടെ തെരഞ്ഞെടുപ്പ്​ ഫലം അവർ പ്രതീക്ഷിച്ചതിലും മോശമായിരുന്നു.