കാബിനറ്റിലല്ല, ബി.ജെ.പിയുടെ കീഴിലാണ്​ നിയമങ്ങളുണ്ടാക്കുന്നതും ഇല്ലാതാക്കുന്നതും -പി. ചിദംബരം

ന്യൂഡൽഹി: കാബിനറ്റിന്‍റെ അനുമതിയില്ലാതെ സുപ്രധാന തീരുമാനങ്ങളെടുക്കുന്നതിൽ കേന്ദ്രം ഭരിക്കുന്ന ബി.ജെ.പിയെ വിമർശിച്ച്​ മുൻ കേന്ദ്ര​മന്ത്രിയും മുതിർന്ന കോൺഗ്രസ്​ നേതാവുമായ പി. ചിദംബരം. പാർല​െമൻറിന്‍റെ കൃത്യമായ നടപടി ക്രമങ്ങളോടെ വിവാദമായ മൂന്ന്​ കാർഷിക നിയമങ്ങളും പിൻവലിക്കുമെന്ന പ്രധാനമന്ത്രി നരേന്ദ്രമോദിയുടെ പ്രഖ്യാപനത്തിന്​ പിന്നാലെയാണ്​ പ്രതികരണം.

കാബിനറ്റ്​ യോഗത്തിൽ ചർച്ച ചെയ്യാതെ ​പ്രധാനമന്ത്രി വലിയ ഒരു പ്രഖ്യാപനം നടത്തിയെന്നും ചിദംബരം ചൂണ്ടിക്കാട്ടി. 'മന്ത്രിസഭായോഗത്തിൽ ചർച്ചചെയ്യാതെയാണ്​ പ്രധാനമന്ത്രി പ്രഖ്യാപനം നടത്തിയതെന്ന്​ ശ്രദ്ധിച്ചോ? മുൻകൂർ കാബിനറ്റ്​ അനുമതിയില്ലാതെ നിയമങ്ങൾ ഉണ്ടാക്കുന്നതും ഇല്ലാതാക്കുന്നതും ബി.ജെ.പിക്ക്​ കീഴിലാണ്​' -ചിദംബരം ട്വീറ്റ്​ ചെയ്​തു.

കൂടാതെ കേന്ദ്രആഭ്യന്തര മന്ത്രി അമിത്​ ഷാ, പ്രതിരോധ മന്ത്രി രാജ്​നാഥ്​ സിങ്​, ബി.ജെ.പി ദേശീയ പ്രസിഡന്‍റ്​ ജെ.പി നഡ്ഡ എന്നിവർക്കെതിരെയും ചിദംബരം വിമർശനം ഉന്നയിച്ചു.

​'പ്രധാനമന്ത്രിയുടെ പ്രഖ്യാപനം ശ്രദ്ധേയമായ രാഷ്​ട്ര തന്ത്രമാണെന്ന്​ ആഭ്യന്തരമന്ത്രി അമിത്​ ഷാ പ്രഖ്യാപിച്ചു. കർഷകരോടുള്ള കരുതലാ​ണ്​ ഇതെന്ന്​ ബി.ജെ.പി പ്രസിഡന്‍റ്​ പറഞ്ഞു. കർഷകരുടെ ക്ഷേമം പരിഗണിച്ചാണ്​ പ്രധാനമന്ത്രി തീരുമാനമെടുത്തതെന്ന്​ പ്രതിരോധ മന്ത്രി അറിയിച്ചു. എന്നാൽ കഴിഞ്ഞ 15 മാസക്കാലം ഈ യോഗ്യരായ നേതാക്കളും അവരുടെ വിദഗ്​ധ ഉപദേശങ്ങളും എവിടെയായിരുന്നു' -പി ചിദംബരം ചോദിച്ചു.

വെള്ളിയാഴ്ച രാവിലെയായിരുന്നു പ്രധാനമന്ത്രി നരേന്ദ്രമോദിയുടെ സുപ്രധാന പ്രഖ്യാപനം. കേന്ദ്രസർക്കാർ കൊണ്ടുവന്ന മൂന്ന്​ കാർഷിക നിയമങ്ങൾ പിൻവലിക്കുന്നുവെന്ന്​ മോദി അറിയിച്ചു. മൂ​ന്ന്​ കാ​ർ​ഷി​ക നി​യ​മ​ങ്ങ​ളും പി​ൻ​വ​ലി​ക്കാ​ൻ സ​ർ​ക്കാ​ർ തീ​രു​മാ​ന​ി​ച്ചെ​ന്നു പ​റ​യാ​നാ​ണ്​ രാജ്യത്തെ അഭിസംബോധന ചെയ്യുന്നതെന്നും നി​യ​മ​ങ്ങ​ൾ പി​ൻ​വ​ലി​ക്കു​ന്ന​തി​െൻറ ഭ​ര​ണ​ഘ​ട​നാ​പ​ര​മാ​യ ന​ട​പ​ടി ഈ ​മാ​സാ​വ​സാ​നം തു​ട​ങ്ങു​ന്ന പാ​ർ​ല​മെൻറ്​ സ​മ്മേ​ള​ന​ത്തി​ൽ പൂ​ർ​ത്തി​യാ​ക്കുമെന്നും മോദി പറഞ്ഞു.

ക​ർ​ഷ​ക​രു​ടെ സ്​​ഥി​തി​ മെ​ച്ച​പ്പെ​ടു​ത്താ​നു​ള്ള വ​ലി​യ ശ്ര​മ​ത്തി​െൻറ ഭാ​ഗ​മാ​യാ​ണ്​ മൂ​ന്നു കാ​ർ​ഷി​ക നി​യ​മ​ങ്ങ​ൾ കൊ​ണ്ടു​വ​ന്നതെന്ന്​ പ്രധാനമന്ത്രി കഴിഞ്ഞദിവസം അറിയിച്ചിരുന്നു. ക​ർ​ഷ​ക​രെ, പ്ര​ത്യേ​കി​ച്ച്​ ചെ​റു​കി​ട ക​ർ​ഷ​ക​രെ ശ​ക്തി​പ്പെ​ടു​ത്തു​ക​യാ​യി​രു​ന്നു മൂ​ന്നു കാ​ർ​ഷി​ക നി​യ​മ​ങ്ങ​ളു​ടെ​യും ല​ക്ഷ്യം. ക​ർ​ഷ​ക​ർ​ക്ക്​ ത​ങ്ങ​ളു​ടെ ഉ​ൽ​പ​ന്ന​ങ്ങ​ൾ​ക്ക്​ ശ​രി​യാ​യ വി​ല കി​ട്ട​ണം. വി​ൽ​ക്കാ​ൻ പ​ര​മാ​വ​ധി സാ​ധ്യ​ത​ക​ൾ തു​റ​ന്നു കൊ​ടു​ക്ക​ണം. നി​യ​മ​പ​രി​ഷ്​​ക​ര​ണ​ത്തി​ന്​ ക​ർ​ഷ​ക​രും കാ​ർ​ഷി​ക വി​ദ​ഗ്​​ധ​രും ക​ർ​ഷ​ക സം​ഘ​ട​ന​ക​ളു​മൊ​ക്കെ വ​ർ​ഷ​ങ്ങ​ളാ​യി ആ​വ​ശ്യ​പ്പെ​ടു​ന്നു​ണ്ടാ​യി​രു​ന്നു.

പ​ഴ​യ സ​ർ​ക്കാ​റു​ക​ളും ഇ​തേ​ക്കു​റി​ച്ച്​ ഏ​റെ ചി​ന്തി​ച്ച​താ​ണ്. പാ​ർ​ല​മെൻറി​ൽ ച​ർ​ച്ച ന​ട​ന്നു. നി​ര​വ​ധി കൂ​ടി​യാ​ലോ​ച​ന​ക​ളു​ണ്ടാ​യി. അ​തി​നു​ശേ​ഷ​മാ​ണ്​ നി​യ​മ​ങ്ങ​ൾ കൊ​ണ്ടു​വ​ന്ന​ത്. രാ​ജ്യ​ത്തി​െൻറ മു​ക്കി​ലും മൂ​ല​യി​ലു​മു​ള്ള നി​ര​വ​ധി ക​ർ​ഷ​ക സം​ഘ​ട​ന​ക​ൾ അ​തി​നെ പി​ന്തു​ണ​ച്ചു.

അ​ർ​പ്പ​ണ മ​നോ​ഭാ​വ​ത്തോ​ടെ, പൂ​ർ​ണ ബോ​ധ്യ​ത്തോ​ടെ, ആ​ത്മാ​ർ​ഥ​മാ​യി, കാ​ർ​ഷി​ക മേ​ഖ​ല​യു​ടെ​യും പാ​വ​പ്പെ​ട്ട ഗ്രാ​മീ​ണ​രു​ടെ​യും ഭാ​വി​യെ ക​രു​തി​യാ​ണ്​ പ്ര​വ​ർ​ത്തി​ച്ച​ത്. ക​ർ​ഷ​ക​രു​ടെ താ​ൽ​പ​ര്യ​ത്തി​നു വേ​ണ്ടി അ​ത്ര​യും പ​വി​ത്ര​മാ​യി ചെ​യ്​​ത ഒ​രു കാ​ര്യം ചി​ല ക​ർ​ഷ​ക​രെ ബോ​ധ്യ​പ്പെ​ടു​ത്താ​ൻ, ശ്ര​മി​ച്ച​ത​ല്ലാ​തെ, സ​ർ​ക്കാ​റി​ന്​ സാ​ധി​ച്ചില്ലെന്നും മോദി പറഞ്ഞു.