Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമഹാരാഷ്​ട്ര:...

മഹാരാഷ്​ട്ര: ഉപമുഖ്യമന്ത്രിപദത്തിൽ തീരുമാനമായില്ലെന്ന്​ കോൺഗ്രസ്​

text_fields
bookmark_border
മഹാരാഷ്​ട്ര: ഉപമുഖ്യമന്ത്രിപദത്തിൽ തീരുമാനമായില്ലെന്ന്​ കോൺഗ്രസ്​
cancel

മുംബൈ: മഹാരാഷ്​ട്ര സർക്കാറിലെ ഉപ മുഖ്യമന്ത്രിപദം സംബന്ധിച്ച്​ തീരുമാനമായില്ലെന്ന്​ കോൺഗ്രസ്​. കോൺഗ്രസ്​ പ്രസിഡൻറ്​ ബാലസാഹേബ്​ തൊറാട്ടാണ്​ ഇക്കാര്യം പറഞ്ഞത്​. കഴിഞ്ഞ ദിവസം തോറാട്ടും എൻ.സി.പിയിലെ ജയന്ത്​ പ​ട്ടേലും ഉപമുഖ്യമന്ത്രിമാരാകുമെന്ന്​ എൻ.സി.പി നേതാവ്​ മാജിദ്​ മേമൻ പ്രഖ്യാപിച്ചിരുന്നു. ചൊവ്വാഴ്​ച ഫട്​നാവിസ്​ രാജിവെച്ചതിന്​ പിന്നാലെയായിരുന്നു പ്രഖ്യാപനം.

സഖ്യത്തിൽ ഒരു ഉപമുഖ്യമന്ത്രിസ്ഥാനം മാത്രം മതിയെന്ന ചർച്ചകളും ഇപ്പോൾ നടക്കുന്നുവെന്നാണ്​ റിപ്പോർട്ടുകൾ. കോൺഗ്രസ്​, എൻ.സി.പി പാർട്ടികളിൽ ഉപമുഖ്യമന്ത്രി, സ്​പീക്കർ സ്ഥാനങ്ങൾ ആർക്ക്​ നൽകണ​െമന്നത്​ സംബന്ധിച്ചാണ്​ ചർച്ചകൾ പുരോഗമിക്കുന്നത്​. ഇതുമായി ബന്ധപ്പെട്ട്​ ഇന്ന്​ 11 മണിക്ക്​ സഖ്യത്തിലുള്ള പാർട്ടികളുടെ യോഗം നടക്കുന്നുണ്ട്​​.

മഹാരാഷ്​ട്ര നിയമസഭയിൽ എം.എൽ.എമാരുടെ സത്യപ്രതിജ്ഞ പുരോഗമിക്കുകയാണ്​. ഇന്ന്​ വൈകീട്ട്​ അഞ്ച്​ മണിക്കകം എം.എൽ.എമാരുടെ സത്യപ്രതിജ്ഞ പൂർത്തിയാക്കണമെന്നാണ്​ സുപ്രീംകോടതി ഉത്തരവ്​. നാളെ വൈകീട്ട്​ അഞ്ച്​ മണിക്കാണ്​ മഹാരാഷ്​ട്ര മുഖ്യമന്ത്രിയായി ഉദ്ധവ്​ താക്കറെ സത്യപ്രതിജ്ഞ ചെയ്യുക.

Show Full Article
TAGS:maharashtra Balasaheb Thorat india news malayalam news 
News Summary - ongress' Balasaheb Thorat says 'no decision' on the post yet-India news
Next Story