വൃദ്ധർക്ക്​ നേരെയുള്ള അതിക്രമം വർധിക്കുന്നു; ഇന്ത്യയിൽ അഞ്ചിലൊരാൾക്ക്​ പീഡനം

ന്യൂഡൽഹി: പ്രായമായവർക്കെതിരെ നടക്കുന്ന പീഡനങ്ങ​െള കുറിച്ച്​ ബോധവത്​കണത്തിനുള്ള ​ദിനമാണിന്ന്​. പ്രായമായവർ പലതരത്തിൽ പീഡിപ്പിക്കപ്പെടുന്ന വാർത്തകൾ നമ്മൾ നിരന്തരം കേൾക്കുന്നു. ഇന്ത്യയിൽ മാത്രമല്ല, ലോത്താകമാനം വൃദ്ധർ പീഡിപ്പിക്ക​െപ്പടുന്നുണ്ട്​. പ്രായമായ ആറു പേരിൽ ഒരാൾ ആഗോളതലത്തിൽ പീഡിപ്പിക്ക​െപ്പടു​േമ്പാൾ അഞ്ചു പേരിൽ ഒരാളാണ്​ ഇന്ത്യയിൽ പീഡനത്തിനിരയാകുന്നതെന്ന്​ ലോകാരോഗ്യ സംഘടന പുറത്തു വിട്ട വിവരങ്ങൾ പറയുന്നു. 2015​ൽ നിന്ന്​ 2050 ആകു​േമ്പാഴേക്കും 60 വയസിനു മുകളിലുള്ളവർ 90 കോടിയിൽ നിന്ന്​ 200കോടിയായി ഉയരും. അതിനനുസരിച്ച്​ പീഡനത്തിനിരയാകുന്നവരുടെ എണ്ണവും വർധിക്കുമെന്നും കണക്കുകൾ പറയുന്നു. 

ഇന്ത്യ അടക്കമുള്ള 28 രാജ്യങ്ങളി​െല കണക്കുകൾ പ്രകാരം 60 വയസിനു മുകളിലുള്ളവരിൽ 16 ശതമാനവും പലതരത്തിൽ പീഡനത്തിനിരയാകുന്നു. ഇവർ മാനസികമായും ശാരീരികമായും ലൈംഗികമായും സാമ്പത്തികമായും പീഡിപ്പിക്കപ്പെടുകയും  അവഗണിക്കപ്പെടുകയും  ചെയ്യുന്നുവെന്നാണ്​ കണക്കുകൾ​. പൊതു സമൂഹത്തിൽ കഴിയുന്നവരേക്കൾ കുടുതൽ പീഡനത്തിനിരയാകുന്നത്​ വൃദ്ധ സദനങ്ങൾ പോലുള്ള മന്ദിരങ്ങളിൽ കഴിയുന്നവരാണ്​. 

ലോകമാകമാനം വൃദ്ധർക്ക്​മേൽ അതിക്രമങ്ങൾ വർധിക്കുന്നു. എന്നാൽ ആരോഗ്യ പ്രശ്​​നങ്ങൾക്കപ്പുറം അന്വേഷണങ്ങ​െളാന്നും കാര്യമായി നടക്കാത്ത കുറ്റകൃത്യമാണ്​ പ്രായമായവർ​െക്കതി​െര നടക്കുന്നത്​.  ദേശീയ പദ്ധതികളി​െലാന്നും ഇത്തരം പീഡനങ്ങളെ ചെറുക്കാനുള്ള സംവിധാനങ്ങൾ കൊണ്ടു വരുന്നില്ലെന്നും ലോകാരോഗ്യ സംഘടനയു​െട ആരോഗ്യ വിഭാഗം ഉദ്യോഗസ്​ഥർ പറയുന്നു. 

മാനസിക പീഡനമാണ്​ ഏറ്റവും വ്യാപ്​തിയേറിയത്​. മുതിർന്നവർക്ക്​ വേദനയുണ്ടാക്കുന്ന തരത്തിൽ അവരെ പേരു വിളിക്കുക, പേടിപ്പിക്കുക, ശല്യ​െപ്പടുത്തുക, അവരു​െട വസ്​തുവകകൾ നശിപ്പിക്കുക, സുഹൃത്തുക്ക​െളയും കുടുംബാംഗങ്ങളെയും കാണാൻ അനുവദിക്കാതിരിക്കുക തുടങ്ങിയവ മാനസിക പീഡനത്തിൽ ഉൾപ്പെടും. ഭക്ഷണം, വീട്​, വസ്​ത്രം, മരുന്ന്​ എന്നീ അടിസ്​ഥാന ആവശ്യങ്ങൾ നിറവേറ്റിക്കൊടുക്കാതിരിക്കു​ന്നതും ഇവരുടെ പണം ദുരുപയോഗിക്കുന്നതും സാമ്പത്തിക പീഡനത്തിൽ ഉൾപ്പെടും. വിഷാദം, മനഃക്ലേശം, ഉത്​കണ്​ഠ, ഗുരുതര പരിക്കുകൾ തുടങ്ങിയവയെല്ലാം പീഡനം മൂലം ഉണ്ടാകാറുണ്ട്​.  ഇത്തരം ബുദ്ധിമുട്ടനുഭവിക്കുന്ന വൃദ്ധരുടെ മരണം പീഡനത്തിനിരയാകാത്തവരേക്കൾ നേരത്തെ സംഭവിക്കുമെന്നും പഠനങ്ങൾ പറയുന്നു.