പു​ഷ്പ​ക്​ എ​ക്​​സ്​​പ്ര​സിലെ കൂട്ടബലാത്സംഗ കേസിൽ മൂന്നുപേർ കൂടി അറസ്റ്റിൽ

മും​ബൈ: ഒാ​ടി​ക്കൊ​ണ്ടി​രു​ന്ന ല​ഖ്​​നോ-​മും​ബൈ പു​ഷ്പ​ക്​ എ​ക്​​സ്​​പ്ര​സ്​ ട്രെ​യി​നി​ൽ കൊ​ള്ള ന​ട​ത്തി​യ സം​ഘം 20കാ​രി​യെ കൂ​ട്ട ബ​ലാ​ൽ​സം​ഗം ചെയ്ത സംഭവത്തിൽ മൂന്നുപേർ കൂടി അറസ്റ്റിൽ. പ്രതികളിൽ രണ്ടു പേരെ സംഭവ സ്ഥലത്തുവെച്ചും രണ്ടു പേരെ പിന്നീടും പൊലീസ് പിടികൂടിയിരുന്നു. ഒരാൾക്ക്​ വേണ്ടി തിരച്ചിൽ ഊർജിതമാക്കിയതായി മുംബൈ റെയിൽവേ പൊലീസ് കമീഷണർ കൗസർ ഖാലിദ് മാധ്യമങ്ങളോട് പറഞ്ഞു.

ശ​നി​യാ​ഴ്​​ച രാ​ത്രിയാണ് ഒാ​ടി​ക്കൊ​ണ്ടി​രു​ന്ന ല​ഖ്​​നോ-​മും​ബൈ പു​ഷ്പ​ക്​ എ​ക്​​സ്​​പ്ര​സ്​ ട്രെ​യി​നി​ൽ കൊ​ള്ള ന​ട​ത്തി​യ എട്ടംഗ സം​ഘം 20കാ​രി​യെ കൂ​ട്ട ബ​ലാ​ൽ​സം​ഗം ചെ​യ്​​തത്. മ​ഹാ​രാ​ഷ്​​ട്ര​യി​ലെ ഇ​ഗ​ത്​​പു​രി​ക്കും ക​സാ​റ​ക്കു​മി​ട​യി​ലെ വ​ന​ത്തി​ലൂ​ടെ ട്രെ​യി​ൻ ക​ട​ന്നു​പോ​കു​േ​മ്പാ​ഴാ​യിരുന്നു​ സം​ഭ​വം.

ഒൗ​റം​ഗാ​ബാ​ദി​ലെ ഇ​ഗ​ത്പു​ര​യി​ൽ നി​ന്ന്​ ക​യ​റി​യ എ​ട്ടം​ഗ സാ​യു​ധ​സം​ഘം ട്രെ​യി​ൻ വ​ന​ത്തി​ലെ​ത്തി​യ​തോ​ടെ 96,390 രൂ​പ​യു​ടെ മൊ​ബൈ​ൽ അ​ട​ക്ക​മു​ള്ള വ​സ്​​തു​ക്ക​ൾ യാ​ത്ര​ക്കാ​രി​ൽ നി​ന്ന്​ മോ​ഷ്​​ടി​ച്ചു. ത​ട​യാ​ൻ ശ്ര​മി​ച്ച ആ​റു പേ​ർ​ക്ക്​ പ​രി​ക്കേ​റ്റു. പി​ന്നീ​ട്​ 20കാ​രി​യെ കൂ​ട്ട​ബ​ലാ​ത്സം​ഗ​ത്തി​നി​ര​യാ​ക്കു​ക​യാ​യി​രു​ന്നെ​ന്നും റെ​യി​ൽ​വേ പൊ​ലീ​സ്​ പ​റ​ഞ്ഞു.

ട്രെ​യി​ൻ ക​സാ​റ​യി​ലെ​ത്തി​യ​തോ​ടെ യാ​ത്ര​ക്കാ​ർ ബ​ഹ​ളം വെ​ച്ച​തി​നെ​ തു​ട​ർ​ന്ന്​ റെ​യി​ൽ​വേ പൊ​ലീ​സ്​ സ​ഹാ​യ​ത്തി​നെ​ത്തു​ക​യാ​യി​രു​ന്നു. പെ​ൺ​കു​ട്ടി​ ആ​ശു​പ​ത്രി​യി​ൽ ചികിത്സയിലാണ്. മും​ബൈ ക്രൈം​ബ്രാ​ഞ്ചാണ് കേസ് അ​ന്വേ​ഷി​ക്കു​ന്നത്.