ജമ്മു കശ്മീരിലെ ഉധംപൂരിൽ സ്ഫോടനം, ഒരാൾ കൊല്ലപ്പെട്ടു; ആറു പേരുടെ നില ഗുരുതരം

ഉധംപൂർ: ജമ്മു കശ്മീരിലെ ഉധംപൂരിൽ സ്ഫോടനം. ഒരാൾ കൊല്ലപ്പെട്ടു. 13 പേർക്ക് പരിക്കേറ്റു. ആറു പേരുടെ നില ഗുരുതരം. ഉച്ചക്ക് ഒരു മണിയോടെ ഉധംപൂരിലെ സലാത്തിയ ചൗക്കിലാണ് സ്ഫോടനം നടന്നത്.

ജില്ല കോടതി സമുച്ചയത്തിന് പുറത്തെ തഹസിൽദാർ ഓഫീസിലാണ് സ്ഫോടനമുണ്ടായത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. മിനിറ്റുകളുടെ വ്യത്യാസത്തിൽ നടന്ന സ്ഫോടനത്തിന്‍റെ കാരണം വ്യക്തമല്ല.

സ്ഫോടനത്തിന്‍റെ ഉത്തരവാദിത്തം വ്യക്തികളോ സംഘടനകളോ ഏറ്റെടുത്തിട്ടില്ല.