രാജ്യത്ത്​ 15 പേരിൽ ഒരാൾക്ക്​ കോവിഡ്​ വന്നിട്ടുണ്ടാകാമെന്ന്​ സീറോ സർവേ ഫലം

ന്യൂഡൽഹി: രാജ്യത്ത്​ ആഗസ്​റ്റ് അവസാനം​ വരെ പത്തുവയസിന്​ മുകളിൽ പ്രായമുള്ള 15 പേരിൽ ഒരാൾക്ക്​ കോവിഡ്​ വന്നിട്ടുണ്ടാകാമെന്ന്​ സർവേ ഫലം. ​ആഗസ്​റ്റ്​ 17 മുതൽ സെപ്​റ്റംബർ 22വരെ ഐ.സി.എം.ആർ നടത്തിയ സീറോ സർവേയിലാണ്​ കണ്ടെത്തൽ.

ഇന്ത്യയിലെ കൗമാരക്കാരിൽ 7.1 ശതമാനം പേർക്ക്​ ഇതുവരെ കോവിഡ്​ ബാധിച്ചതി​െൻറ ലക്ഷണങ്ങൾ കാണിക്കുന്നു. ആഗസ്​റ്റ്​ അവസാനം വരെ 10 വയസിന്​ മുകളിലുള്ള 15 പേരിൽ ഒരാൾക്ക്​ കോവിഡ്​ ബാധിച്ചിരിക്കാമെന്നും പഠനം ചൂണ്ടിക്കാണിക്കുന്നു.

ചേരിപ്രദേശങ്ങളിലും നഗര പ്രദേശങ്ങളിലുമാണ്​ രോഗവ്യാപനം കൂടുതൽ. ചേരികളിലെ രോഗവ്യാപനം 15.6 ശതമാനമാണ്​. നഗര പ്രദേശങ്ങളിൽ ഇത്​ 8.2 ശതമാനവും. ഗ്രാമപ്രദേശങ്ങളിൽ 4.4 ശതമാനമാണ്​ രോഗവ്യാപനം.

വൈറസ്​ വ്യാപനം തടയുന്നതി​ൽ മാസ്​ക്​ ധരിക്കൽ, സാനിറ്റൈസർ ഉപയോഗം, സാമൂഹിക അകലം പാലിക്കൽ തുടങ്ങിയവ പാലിക്കേണ്ടതി​െൻറ അവശ്യകതയും സീറോ സർവേയിൽ ചൂണ്ടിക്കാണിക്കുന്നു.