അകോലയിൽ ‘കേരള സ്​റ്റോറി’യെ ചൊല്ലി സംഘർഷം; ആസൂത്രിതമെന്ന്​ മഹാരാഷ്ട്ര സർക്കാർ

മും​ബൈ: വി​വാ​ദ സി​നി​മ ‘ദ ​കേ​ര​ള സ്റ്റോ​റി’​യു​മാ​യി ബ​ന്ധ​പ്പെ​ട്ട ഇ​ൻ​സ്റ്റ​ഗ്രാം പോ​സ്റ്റി​നെ തു​ട​ർ​ന്ന് അ​കോ​ല​യി​ലു​ണ്ടാ​യ വ​ർ​ഗീ​യ സം​ഘ​ർ​ഷം ആ​സൂ​ത്രി​ത​മെ​ന്ന് മ​ഹാ​രാ​ഷ്ട്ര സ​ർ​ക്കാ​ർ. സം​സ്ഥാ​ന​ത്ത്​ ക്ര​മ​സ​മാ​ധാ​നം ത​ക​ർ​ക്ക​ലാ​ണ് ല​ക്ഷ്യ​മെ​ന്നും സം​ഘ​ർ​ഷം രാ​ഷ്ട്രീ​യ പ്രേ​രി​ത​മാ​ണെ​ന്നും ഉ​പ മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്നാ​വി​സ് ആ​രോ​പി​ച്ചു. സം​ഘ​ർ​ഷ​ബാ​ധി​ത പ്ര​ദേ​ശ​ങ്ങ​ൾ സ​ന്ദ​ർ​ശി​ച്ച മ​ന്ത്രി​യും ബി.​ജെ.​പി നേ​താ​വു​മാ​യ ഗി​രീ​ഷ് മ​ഹാ​ജ​നും സം​ഘ​ർ​ഷം മു​ൻ​കൂ​ട്ടി ആ​സൂ​ത്ര​ണം ചെ​യ്ത​താ​ണെ​ന്ന് ആ​രോ​പി​ച്ചു.

ശ​നി​യാ​ഴ്ച​യാ​ണ് അ​കോ​ല പൊ​ലീ​സ് സ്റ്റേ​ഷ​ൻ പ​രി​സ​ര​ത്ത് സം​ഘ​ർ​ഷ​മു​ണ്ടാ​യ​ത്. ക​ല്ലേ​റി​ൽ പ​രി​ക്കേ​റ്റ് ഒ​രാ​ൾ മ​രി​ക്കു​ക​യും ര​ണ്ടു പൊ​ലീ​സു​കാ​ർ ഉ​ൾ​പ്പെ​ടെ എ​ട്ടു​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. സം​ഭ​വ​വു​മാ​യി ബ​ന്ധ​പ്പെ​ട്ട് 120ഓ​ളം പേ​ർ​ക്കെ​തി​രെ കേ​സെ​ടു​ത്ത പൊ​ലീ​സ് മു​പ്പ​തോ​ളം പേ​രെ അ​റ​സ്റ്റ് ചെ​യ്തു. സ്ഥ​ല​ത്ത് നി​രോ​ധ​നാ​ജ്ഞ പു​റ​പ്പെ​ടു​വി​ച്ചു.

അ​ഭ്യൂ​ഹ​ങ്ങ​ൾ പ്ര​ച​രി​ക്കു​ന്ന​ത് ത​ട​യാ​ൻ പ്ര​ദേ​ശ​ത്ത്​ ഞാ​യ​റാ​ഴ്ച ഇ​ന്റ​ർ​നെ​റ്റ് സേ​വ​നം റ​ദ്ദാ​ക്കി. നി​ല​വി​ൽ സ്ഥി​തി നി​യ​ന്ത്ര​ണ​വി​ധേ​യ​മാ​ണെ​ന്ന് പൊ​ലീ​സ് അ​റി​യി​ച്ചു. സം​ഘ​ർ​ഷ​ത്തെ തു​ട​ർ​ന്ന് സം​സ്ഥാ​ന​ത്തു​ട​നീ​ളം ജാ​ഗ്ര​ത നി​ർ​ദേ​ശം ന​ൽ​കി​യി​ട്ടു​ണ്ട്. ‘ദ ​കേ​ര​ള സ്റ്റോ​റി’​യു​മാ​യി ബ​ന്ധ​പ്പെ​ട്ട ഇ​ൻ​സ്റ്റ​ഗ്രാം പോ​സ്റ്റ് പ്ര​വാ​ച​ക​നെ അ​പ​മാ​നി​ക്കു​ന്ന​താ​യി ആ​രോ​പി​ച്ച് ഒ​രു വി​ഭാ​ഗം പ​രാ​തി​യു​മാ​യി എ​ത്തി​യ​പ്പോ​ൾ ത​ടി​ച്ചു​കൂ​ടി​യ​വ​ർ ക​ല്ലെ​റി​യു​ക​യാ​യി​രു​ന്നു.