കോവിഡ് പ്രതിരോധ പ്രവർത്തനങ്ങളെ അഭിവാദ്യം ​െചയ്യുന്നതിനിടെ കനേഡിയൻ എയർ ഫോഴ്​സ്​ വിമാനം തകർന്നു വീണു; ഒരാൾ മരിച്ചു

ഒട്ടാവ: കോവിഡ്​ പ്രതിരോധ പ്രവർത്തകരെ അഭിവാദ്യം ചെയ്യുന്നതിനായി പറന്നുയർന്ന കനേഡിയൻ എയർ ഫോഴ്​സ്​ ജെറ്റ്​ വിമാനം ബിട്ടീഷ്​ കൊളംബിയയിൽ തകർന്നു വീണ്​ ഒരാൾ മരിച്ചു. ഞായറാഴ്​ച 6.10 ന്​ പരിശീലന കാംലൂപ്​സ്​ വിമാനത്താവളത്തിന്​ പറന്നുയർന്ന ജെറ്റ്​ നേരം അൽപനേരത്തിന്​ ശേഷം തകർന്നു വീഴുകയായിരുന്നു​. എയർഫോഴ്​സിലെ സ്​നോബേർഡ്​  എയർഫോഴ്​സ്​ എയറോബാറ്റിക്​സ്​ ടീമിൽ നിന്നുള്ള വിമാനമാണ്​ അപകടത്തിൽപെട്ടത്​. ഒരാൾക്ക്​ ഗുരുതരമായി പരിക്കേറ്റു. 

വിമാനത്താവളത്തിന്​ സമീപമുള്ള ജനവാസമേഖലയിലാണ്​ ജെറ്റ്​ തകർന്നു വീണത്​. വീടിനോട്​ ചേർന്ന വീണ വിമാനം പൂർണമായും കത്തിനശിച്ചു. ഈ വർഷം സംഭവിച്ച രണ്ടാമത്തെ ഫയർഫോഴ്​സ്​ വിമാനാപകടമാണിത്​. സംഭവത്തിൽ സേന അന്വേഷണം പ്രഖ്യാപിച്ചിട്ടുണ്ട്​. 

കോവിഡ്​19 മഹാമാരിയുമായി മല്ലിടുന്ന കനേഡിയൻ‌ പൗരൻമാരുടെ മനോവീര്യം വർധിപ്പിക്കുകയെന്ന ലക്ഷ്യത്തോടെ ‘ഓപ്പറേഷൻ‌ ഇൻ‌സ്പിരേഷൻ’ എന്ന പേരിൽ  സ്നോ‌ബേർ‌ഡ്സ് കാംലൂപ്​സിൽ നിന്ന് കെലോനയിലേക്കാണ്​ യാത്ര തീരുമാനിനിച്ചിരുന്നത്​. കാംലൂപ്​സിൽ നിന്നും ഒരേസമയം പറന്നുയർന്ന രണ്ട്​ ജെറ്റ്​ വിമാനങ്ങളിൽ ഒന്നാണ്​ തകർന്നു വീണത്​​. സംഭവത്തിൽ പ്രധാനമന്ത്രി ജസ്​റ്റിൻ ട്രൂഡോ അനുശോചനം രേഖപ്പെടുത്തി.