ബിഹാറിലെ ജ്വല്ലറിയിൽ കവർച്ചക്കാരുടെ വെടിയേറ്റ് ഒരാൾ മരിച്ചു

പട്ന: ബിഹാർ ഭൂത്നാഥ് റോഡിലെ ജ്വല്ലറിയിൽ കവർച്ചക്കിടെ വെടിയേറ്റ് ഒരാൾ മരിച്ചു. വെടിവെപ്പിൽ രണ്ടു പേർക്ക് ഗുരു തരമായി പരിക്കേറ്റു.

ഒരു സംഘം ആളുകൾ ചേർന്ന് നടത്തിയ കൊള്ളയിൽ മൂന്ന് ലക്ഷം രൂപയുടെ സ്വർണമാണ് കവർന്നത്.

കവർച്ച സംഘത്തിൽ ആറു പേർ ഉണ്ടായിരുന്നതായി പൊലീസ് പറഞ്ഞു. അന്വേഷണം പുരോഗമിക്കുകയാണ്.