കൗമാരക്കാരൻ ഓടിച്ച കാർ ഇടിച്ച് വിദ്യാർഥി മരിച്ചു; അഞ്ചുപേർക്ക് ഗുരുതര പരിക്ക്

കാൺപൂർ: ഡ്രൈവിങ് പഠിക്കുന്നതിനിടെ കൗമാരക്കാരൻ ഓടിച്ച കാർ ഇടിച്ച് 12 കാരനായ വിദ്യാർഥി മരിക്കുകയും അഞ്ച് പേർക്ക് ഗുരുതരമായി പരിക്കേൽക്കുകയും ചെയ്തു. ഉത്തർ പ്രദേശിലെ കാൺപൂരിലാണ് സംഭവം. കാർ സ്കൂൾ കുട്ടികളെ കൊണ്ടുപോകുന്ന ഇലക്ട്രിക് റിക്ഷയിലേക്ക് ഇടിച്ചു കയറുകയായിരുന്നു.

കാൺപൂരിലെ നവാബ്ഗഞ്ചിലാണ് അപകടം നടന്നത്. പരിക്കേറ്റ കുട്ടികളെ സിറ്റി ആശുപത്രിയിൽ പ്രവേശിപ്പിച്ചിട്ടുണ്ട്.

സംഭവത്തിൽ കാർ ഡ്രൈവറായ കുമാരക്കാരനെ അറസ്റ്റ് ചെയ്യുകയും കാർ പിടിച്ചെടുക്കുകയും ചെയ്തിട്ടുണ്ടെന്ന് സെൻട്രൽ ഡി.സി.പി പ്രമോദ് കുമാർ പറഞ്ഞു.