ചൈനയിലിരുന്ന്​ വിഡിയോ കോളിലൂടെ അവൾ കണ്ടു; ഇന്ത്യയിൽ ഭർത്താവിന്‍റെ ചിത കത്തിയമരുന്നത്​

ഇന്ദോർ: രാജ്യം​ കോവിഡിന്‍റെ രണ്ടാംതരംഗത്തെ നേരിടു​േമ്പാൾ നെഞ്ചുലക്കുന്ന നിരവധി വാർത്തകളാണ്​ പുറത്തുവരുന്നത്​. ഇന്ത്യയിൽവെച്ച്​ കോവിഡ്​ ബാധിച്ച്​ മരിച്ച ഭർത്താവിന്‍റെ സംസ്​കാര ചടങ്ങുകൾ ഭാര്യ​ അവസാനമായി വിഡ​ിയോ കോളിലൂടെ കണ്ടതിന്‍റെ ദൃശ്യങ്ങളാണ് ഇപ്പോൾ​ സമൂഹമാധ്യമങ്ങളിലൂടെ പ്രചരിക്കുന്നത്​.

ചൈന ആസ്​ഥാനമായി പ്രവർത്തിക്കുന്ന ബാങ്കിലെ​ ഉദ്യോഗസ്​ഥനായ മനോജ്​ ശർമ. അസുഖബാധിതനായ ബന്ധുവിന്‍റെ പരിചരിക്കാൻ അദ്ദേഹം ഇന്ദോറിലെത്തിയത്​. അവിടെവെച്ച്​ മനോജ്​ കോവിഡ്​ ബാധിതനായി.

തിങ്കളാഴ്​ച ഇ​േന്ദാറിലെ ​ശ്രീ അരബിന്ദോ ഇൻസ്റ്റിറ്റ്യൂട്ട്​ ഓഫ്​ മെഡിക്കൽ സയൻസസിൽ വെച്ചായിരുന്നു അദ്ദേഹത്തിന്‍റെ മരണം. കോവിഡ്​ ബാധിച്ച്​ മരിച്ചതായതിനാൽ ചൈനയിലെ കുടുംബത്തിന്‍റെ സമ്മതത്തോടെ സംസ്​കാരം ഇന്ത്യയിൽ നടത്താൻ തീര​ുമാനിക്കുകയായിരുന്നു. സമ്മതപത്രം ഓൺലൈനായി മുതിർന്ന പൊലീസ്​ ഉദ്യോഗസ്​ഥൻ പ്രശാന്ത്​ ചൗബേക്ക്​ അയച്ചുനൽകി.

സാമൂഹിക പ്രവർത്തകരുടെ നേതൃത്വത്തിലായിരുന്നു സംസ്​കാര ചടങ്ങുകൾ. ഇതോടെ ഭർത്താവിനെ അവസാനമായി വീക്ഷിക്കാനും സംസ്​കാര ചടങ്ങുകൾ കാണാനും ഭാര്യയെ വിഡിയോ കോളിലൂടെ ബന്ധപ്പെടുകയായിരുന്നു. ഭാര്യ ഭർത്താവിന്‍റെ സംസ്​കാര ചടങ്ങുകൾ കാണുന്ന ദൃശ്യങ്ങൾ വൻതോതിൽ സമൂഹമാധ്യമങ്ങളിൽ പ്രചരിച്ചു.