Top
Begin typing your search above and press return to search.
exit_to_app
exit_to_app
On Rahul Gandhis Oxygen Tweet, Minister Giriraj Singhs Post In Italian
cancel
Homechevron_rightNewschevron_rightIndiachevron_rightഓക്​സിജൻ ക്ഷാമവും...

ഓക്​സിജൻ ക്ഷാമവും മരണവും; രാഹ​ുലിന്‍റെ വിമർശനങ്ങൾക്ക്​ ഇറ്റാലിയനിൽ അധിക്ഷേപ മറുപടിയുമായി ഗിരിരാജ്​ സിങ്​

text_fields
bookmark_border

ന്യൂഡൽഹി: രാജ്യത്ത്​ കോവിഡ്​ രണ്ടാം തരംഗത്തിനിടെ ഓക്​സിജൻ ലഭിക്കാതെ ആരും മരിച്ചില്ലെന്ന കേന്ദ്രത്തിന്‍റെ വാദത്തിൽ കൊമ്പുകോർത്ത്​ കോൺഗ്രസും ബി.ജെ.പിയും. നിരവധി നേതാക്കൾ കേന്ദ്രത്തെ കുറ്റ​െപ്പടുത്തി രംഗത്തെത്തിയിരുന്നു.

'ഇവിടെ​ ഓക്​സിജന്‍റെ അഭാവം മാത്രമല്ല, സത്യത്തിന്‍റെയും സംവേദന ക്ഷമതയുടെയും അഭാവമുണ്ട്​. അന്നും ഇന്നും' -എന്നായിരുന്നു രാഹുലിന്‍റെ ട്വീറ്റ്​.

എന്നാൽ, രാഹുലിന്‍റെ വിമർശനങ്ങൾക്ക്​ വ്യക്തിപരമായ അധിക്ഷേപവുമായി രംഗത്തെത്തുകയായിരുന്നു ബി.ജെ.പി നേതാവും കേന്ദ്രമന്ത്രിയുമായ​ ഗിരിരാജ്​ സിങ്​.

ഇറ്റാലിയൻ ഭാഷയിലായിരുന്നു ഗിരിരാജ്​ സിങ്ങിന്‍റെ ട്വീറ്റ്​. 'ഈ രാജകുമാരനെക്കുറിച്ച്​ ഞാൻ പറയാം. അദ്ദേഹത്തിന്​ തലച്ചോറിന്‍റെ അഭാവമുണ്ടായിരുന്നു, പിന്നീട്​ നഷ്​ടമായി. ഇനി എന്നന്നേക്കുമായി നഷ്​ട​െപ്പടും. ഇൗ പട്ടികകൾ നൽകിയത്​ സംസ്​ഥാനങ്ങളാണ്​. പരിഷ്​കരിച്ച പട്ടികകൾ സമർപ്പിക്കാൻ നിങ്ങൾ ഭരിക്കുന്ന സംസ്​ഥാനങ്ങൾക്ക്​ നിർദേശം നൽകാൻ നിങ്ങൾക്ക്​ കഴിയും. അതുവരെ നിങ്ങൾക്ക്​ കള്ളം പറയാം' -ഗിരിരാജ്​ സിങ് ട്വീറ്റ്​ ചെയ്​തു.

ഗിരിരാജ്​ സിങ്ങിന്‍റെ ട്വീറ്റിനെതിരെ പ്രതിഷേധം ശക്തമായി. കെ.സി. വേണുഗോപാൽ എം.പി രാജ്യസഭയിൽ ഓക്​സിജൻ ക്ഷാമം മൂലം മരിച്ച കോവിഡ്​ രോഗികളുടെ വിവരങ്ങൾ ചോദിച്ചിരുന്നു. കോവിഡ്​ രണ്ടാം തരംഗത്തിന്‍റെ മരണകണക്കുകളിൽ രാജ്യത്ത്​ ഒരാൾപോലും ഓക്​സിജൻ ക്ഷാമം മൂലം മരിച്ചി​െല്ലന്നായിരുന്നു കേന്ദ്രത്തിന്‍റെ മറ​ുപടി. കേന്ദ്ര ആരോഗ്യ സഹമന്ത്രി വസ്​തുതകൾ വളച്ചൊടിക്കുകയാണെന്നും എല്ലാവർക്കും സത്യമറിയാമെന്നുമായിരുന്നു കോൺഗ്രസിന്‍റെ പ്രതികരണം. കൂടാതെ തെറ്റായ വിവരങ്ങൾ നൽകി മന്ത്രി വഴിതെറ്റിക്കാൻ ശ്രമിച്ചുവെന്നും കോൺഗ്രസ്​ പറഞ്ഞു.

Show Full Article
TAGS:Rahul Gandhi Oxygen Shortage Giriraj Singh Italian 
News Summary - On Rahul Gandhi's Oxygen Tweet, Minister Giriraj Singh's Post In Italian
Next Story