ജമ്മു കശ്മീരിലെ അരക്ഷിതാവസ്ഥ തടയാൻ കേന്ദ്രം നടപടിയെടുക്കണം -ഒമർ അബ്ദുല്ല

ശ്രീനഗർ: ജമ്മു കശ്മീരിലെ അരക്ഷിതാവസ്ഥ തടയാൻ കേന്ദ്രം എന്തെങ്കിലും ചെയ്യണമെന്ന് മുൻ മുഖ്യമന്ത്രിയും നാഷനൽ കോൺഫറൻസ് വൈസ് പ്രസിഡന്‍റുമായ ഒമർ അബ്ദുല്ല. "ജമ്മു കശ്മീരിലെ അവസ്ഥ എല്ലാവർക്കുമറിയാവുന്നതാണ്. സംഘട്ടനങ്ങൾ നടക്കാത്ത ഒരു ദിവസം പോലുമില്ല. ഈ അവസ്ഥ മാറണം. അതിനായി കേന്ദ്ര സർക്കാർ എന്തെങ്കിലും ചെയ്യണം" ഗന്ദേർബലിൽ മാധ്യമങ്ങളോട് പറഞ്ഞു.

ഉഴ്സ് ഉത്സവത്തിൽ പങ്കെടുക്കാൻ കശ്മീരിലെ ബാബ നാഗ്രിയിൽ ബാബ നിസാമുദ്ദീൻ ലാർവി നഖ്ഷ്ബന്ദിയുടെ സമാധി സ്ഥലത്ത് എത്തിയതാണ് ഒമർ അബ്ദുല്ല.