പണമൊഴുകുന്നു; വെല്ലൂരിലെ ലോക്​സഭാ തെരഞ്ഞെടുപ്പ്​ റദ്ദാക്കിയേക്കും

ന്യൂഡൽഹി: തമിഴ്​നാട്​ വെല്ലൂരിലെ ലോക്​സഭാ തെരഞ്ഞെടുപ്പ്​ റദ്ദാക്കുന്നത്​ സംബന്ധിച്ച്​ തെരഞ്ഞെടുപ്പ്​ കമ് മീഷൻ തീരുമാനമെടുക്കും. ദിവസങ്ങൾക്ക്​ മുമ്പ്​ ഡി.എം.കെ സ്​ഥാനാർഥി അതിർ ആനന്ദിൻെറ ഓഫീസിൽ നിന്ന്​ വൻ തോതിൽ പണം പ ിടിച്ചെടുത്തതിനെ തുടർന്നാണ്​ തീരുമാനം. വെല്ലൂരിലെ തെരഞ്ഞെടുപ്പ്​ റദ്ദാക്കണമെന്ന്​ രാഷ്​ട്രപതിയോട്​​ ശിപാർശ ചെയ്​തിട്ടുണ്ടെന്ന്​ തെരഞ്ഞെടുപ്പ്​ കമ്മീഷനിലെ അംഗങ്ങൾ വ്യക്​തമാക്കി.

ഏപ്രിൽ 10 ന്​ ആദായ നികുതി വകുപ്പ്​ നൽകിയ റിപ്പോർട്ട്​ പ്രകാരം ജില്ലാ പൊലീസ്​ അതിർ ആനന്ദിനും രണ്ട്​ പാർട്ടി പ്രവർത്തകർക്കുമെതിരെ കേസ്​ രജിസ്റ്റർ ചെയ്​തിരുന്നു. നാമ നിർദേശ പത്രികക്കൊപ്പം സമർപ്പിച്ച സത്യവാങ്​മൂലത്തിൽ തെറ്റായ വിവരങ്ങൾ നൽകിയതിനാണ്​ ആനന്ദിനെതിരെ ജനപ്രാതിനിധ്യ നിയമപ്രകാരം കേസെടുത്തിട്ടുള്ളത്​​. ആനന്ദിനൊപ്പം ​ശ്രീനിവാസൻ, ദാമോദരൻ എന്നീ പ്രവർത്തകർക്കെതി​െരയാണ്​ കൈക്കൂലി നൽകിയതിനുള്ള കുറ്റം ചുമത്തിയിരിക്കുന്നത്​. പാർട്ടിയുടെ മുതിർന്ന നേതാവ്​ ദുരൈ മുരുഗൻെറ മകനാണ്​ അതിർ ആനന്ദ്​.

തെരഞ്ഞെടുപ്പിൽ അനധികൃത പണം ഉപയോഗിക്കുന്നുണ്ടെന്ന സംശയത്തെ തുടർന്ന്​ മാർച്ച്​ 30 ന്​ ആദായ നികുതി ഉദ്യോഗസ്​ഥർ ദുരൈ മുരഗൻെറ വസതിയിൽ റെയ്​ഡ്​ നടത്തിയിരുന്നു. കണക്കിൽപെടാത്ത 10.50 ലക്ഷം രൂപ റെയ്​ഡിൽ പിടിച്ചെടുക്കുകയും ചെയ്​തിരുന്നു. രണ്ടു ദിവസത്തിനു ശേഷം ഒരു ഡി.എം.കെ നേതാവിൻെറ ഉടമസ്​ഥതയിലുള്ള വെല്ലൂരിലെ സിമൻറ്​ ഗോഡൗണിൽ നിന്ന്​ 11.53 കോടി രൂപ പിടിച്ചെടുത്തതായും ആദായ നികുതി വകുപ്പ്​ അറിയിച്ചിരുന്നു.