Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightപഴയ 500 രൂപ നോട്ടുകൾ...

പഴയ 500 രൂപ നോട്ടുകൾ ഉപയോഗിക്കുന്നതിനുള്ള ഇളവ്​ ഇന്ന്​ അവസാനിക്കും

text_fields
bookmark_border
പഴയ 500 രൂപ നോട്ടുകൾ ഉപയോഗിക്കുന്നതിനുള്ള ഇളവ്​ ഇന്ന്​ അവസാനിക്കും
cancel

ന്യൂഡൽഹി: അവശ്യ സേവനങ്ങൾക്കായി പഴയ 500 രൂപ നോട്ടുകൾ ഉപയോഗിക്കുന്നതിനായി കേന്ദ്ര സർക്കാർ അനുവദിച്ച ഇളവ്​ ഇന്ന്​ അവസാനിക്കും. ഇളവ്​ നീട്ടി നൽകേണ്ടെന്ന്​ കേന്ദ്ര സർക്കാർ തീരുമാനിക്കുകയായിരുന്നു. വിവിധ ബില്ലുകൾ അടക്കുന്നതിനും അശു​പത്രികളി​ലുമാണ്​ നോട്ടുകൾ ഉപയോഗിക്കുന്നതിന്​ സർക്കാർ ഇളവ്​ അനുവദിച്ചിരുന്നത്​.

പഴയ 500 രൂപ നോട്ടുകൾ  ഉപയോഗിക്കുന്നതിനായി ​സർക്കാർ നൽകിയ ഇളവ്​ ഇന്ന്​ അവസാനിക്കുമെന്ന്​ ധനകാര്യ സെക്രട്ടറി ശശികാന്ത ദാസ്​ ട്വിറ്റലൂടെ അറിയിച്ചു. പെട്രൊൾ പമ്പുകളിൽ പഴയ നോട്ടുകൾ ഉപയോഗിക്കുന്നതിനുള്ള ഇളവ്​ ഡിസംബർ 2ന്​ തന്നെ ​കേന്ദ്ര സർക്കാർ അവസാനിപ്പിച്ചിരുന്നു.

ഇളവ്​ ഉപയോഗിച്ച്​ കള്ളപ്പണം വെളുപ്പിക്കുന്നത്​ കേന്ദ്ര സർക്കാരി​െൻറ ശ്രദ്ധയിൽ പെട്ടിരുന്നു. ഇതും ഇളവ്​ നീട്ടി നൽകാതിരിക്കാൻ കാരണമായി എന്നാണ്​ അറിയുന്നത്​. 1000 രൂപ നോട്ടുകളുടെ ഉപയോഗവും നേരത്തെ തന്നെ കേന്ദ്ര സർക്കാർ നിരോധിച്ചിരുന്നു.
 
ആശു​പത്രികളിൽ നിന്ന്​ മരുന്ന്​ വാങ്ങാനും, ബില്ലുകളടക്കാനും, സർക്കാർ നിയന്ത്രിത മിൽക്ക്​ ബൂത്തുകളിൽ നിന്ന്​ പാൽ വാങ്ങുന്നതിനുമാണ്​  ഇളവ്​ അനുവദിച്ചിരുന്നത്​​.

നവംബർ 8ന്​  നോട്ട്​ നിരോധനം പ്രഖ്യാപിച്ച ശേഷം 72 മണിക്കുറാണ്​ പഴയ നോട്ടുകൾ ഉപയോഗിക്കുന്നതിനായി സർക്കാർ ഇളവ്​ അനുവദിച്ചിരുന്നത്​. എന്നാൽ പിന്നീട്​ ഇത്​ നീട്ടി നൽകുകയായിരുന്നു. അസാധു നോട്ടുകൾ ഡിസംബർ 31 വരെ ബാങ്കിൽ നിക്ഷേപിക്കാൻ സാധിക്കും. 

Show Full Article
TAGS:currency demonitization 
Next Story