Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപുതിയ രണ്ട്...

പുതിയ രണ്ട് സുഹൃത്തുകളെക്കാൾ നല്ലത് പഴയ ഒരു സൃഹുത്ത് -മോദി

text_fields
bookmark_border
പുതിയ രണ്ട് സുഹൃത്തുകളെക്കാൾ നല്ലത് പഴയ ഒരു സൃഹുത്ത് -മോദി
cancel

പനാജി: പുതിയ രണ്ട് സുഹൃത്തുകളെക്കാൾ നല്ലത് പഴയ ഒരു സൃഹുത്താണെന്ന് പ്രധാനമന്ത്രി നരേന്ദ്ര മോദി. റഷ്യയുമായുള്ള സൗഹൃദം വിശേഷപ്പെട്ടതാണ്. റഷ്യൻ പ്രസിഡന്‍റ് വ്ലാഡിമർ പുടിന്‍റെ നേതൃത്വം ഇന്ത്യ-റഷ്യ ബന്ധം ശക്തിപ്പെടുത്തുന്നതും തന്ത്രപ്രധാനമായ പങ്കാളിത്തത്തിന് സ്ഥിരത നൽകുന്നതുമാണെന്നും മോദി വ്യക്തമാക്കി. ബ്രിക്സ് ഉച്ചകോടിക്കിടെ പുടിനുമായി നടത്തിയ കൂടിക്കാഴ്ചക്ക് ശേഷം നടത്തിയ സംയുക്ത പ്രസ്താവനയിലാണ് മോദി ഇക്കാര്യം ചൂണ്ടിക്കാട്ടിയത്.

ഭീകരവാദത്തോട് ഒരു തരത്തിലുമുള്ള വിട്ടുവീഴ്ച വേണ്ടെന്ന് സംയുക്ത പ്രസ്താവനയിൽ ഇരു രാഷ്ട്രത്തലവന്മാരും പ്രഖ്യാപിച്ചു. അതിർത്തി കടന്നുള്ള തീവ്രവാദത്തെ നേരിടാനുള്ള ഇന്ത്യയുടെ പോരാട്ടത്തെ മനസിലാക്കുകയും പിന്തുണക്കുകയും ചെയ്ത രാജ്യമാണ് റഷ്യ. ഭീകരവാദത്തിനെതിരായ പോരാട്ടത്തിനാണ് ഇരുവരും മുഖ്യ പ്രാധാന്യം നൽകുന്നത്. തീവ്രവാദം ഇല്ലായ്മ ചെയ്യാനുള്ള യുദ്ധത്തിലാണ്.

ഭീകരവാദ ഗ്രൂപ്പുകൾക്ക് താവളത്തിനുള്ള ഭൂമിയും ആയുധങ്ങളും ചില രാജ്യങ്ങൾ വിതരണം ചെയ്യുന്നു. അതിർത്തി കടന്നുള്ള ഭീകരവാദത്തിനെതിരായ പോരാട്ടത്തിൽ ഇന്ത്യക്ക് റഷ്യയുടെ പിന്തുണയുണ്ട്. ഉറി സൈനിക താവളത്തിന് നേരെ നടന്ന ഭീകരാക്രമണത്തെ റഷ്യ അപലപിച്ചിരുന്നതായും പ്രസ്താവനയിൽ വ്യക്തമാക്കുന്നു.

Show Full Article
TAGS:narendra modi vladimir putin. russia india 
News Summary - Old Friend Better Than Two New Ones Says PM Modi
Next Story