ബിഹാറിൽ 35 ലക്ഷം രൂപയുടെ അസാധു നോട്ടുകൾ പിടിച്ചെടുത്തു

ഗയ: ബിഹാറിൽ ട്രെയിനിൽ നിന്ന് 35 ലക്ഷം രൂപയുടെ അസാധു നോട്ടുകളും മദ്യവും പിടിച്ചെടുത്തു. ബിഹാറിലെ ഗയയിൽ ജനശതാബ്ദി എക്സ്പ്രസിൽ ഉപേക്ഷിക്കപ്പെട്ട ബാഗിൽ നിന്നാണ് ഇവ കണ്ടെടുത്തത്.

സാധാരണ നടത്തുന്ന പരിശോധനയിലാണ് 35 ലക്ഷം രൂപയുടെ അസാധുവായ 500 രൂപയുടെ നോട്ടുകൾ പൊലീസിന്‍റെ ശ്രദ്ധയിൽപ്പെട്ടത്. കൂടാതെ മൂന്നു ബാഗുകളിലായി 14 കുപ്പി മദ്യവും പിടിച്ചെടുത്തിട്ടുണ്ട്. സംഭവത്തിൽ അന്വേഷണം ആരംഭിച്ചതായി ഇൻസ്പെക്ടർ സുശീൽ കുമാർ പറഞ്ഞു.

ചൊവ്വാഴ്ച 2000ത്തിന്‍റെ 33 ലക്ഷം രൂപയുടെ പുതിയ നോട്ടുകളുമായി പശ്ചിമ ബംഗാളിലെ ബി.ജെ.പി നേതാവ് മനീഷ് ശർമയെ പൊലീസ് അറസ്റ്റ് ചെയ്തിരുന്നു.