ഖനിദുരന്തം: ഒഡിഷയിൽ നിന്ന്​ വിദഗ്​ധരെത്തി; രക്ഷാ പ്രവർത്തനം പുനഃരാരംഭിച്ചു

ഷില്ലോങ്​: മേഘാലയയിൽ ഖനിയിൽ കുടുങ്ങിയ തൊഴിലാളികളെ രക്ഷിക്കാനുള്ള ശ്രമങ്ങൾ പുനഃരാരംഭിച്ചു.രക്ഷാ പ്രവർത്ത നങ്ങൾക്കായി ഒഡിഷ ഫയർ സർവീസിലെ 21 അംഗ വിദഗ്​ധ സംഘം സ്​ഥലത്തെത്തിയിട്ടുണ്ട്​. ഖനിയിൽ നിന്ന്​ വെള്ളം വറ്റിക്കുന്ന തിനായി ശക്​തിയേറിയ പമ്പുകളുമായാണ്​ സംഘം എത്തിയത്​.

20 ഹൈ പവർ പമ്പുകളുമായാണ്​ ചീഫ്​ ഫയർ ഒാഫീസർ സുകന്ത സേത്തിയുടെ നേതൃത്വത്തിലുള്ള സംഘം ഇന്ത്യൻ വ്യോമസേനയു​െട പ്രത്യേക വിമാനത്തിൽ മേഘാലയയിലെത്തിയത്​. മിനുട്ടിൽ 1600 ലിറ്റർ വെള്ളം വറ്റിക്കാൻ ശേഷിയുള്ളതാണ്​ ഒാരോ പമ്പുകളും.

കേന്ദ്ര ആഭ്യന്തരമന്ത്രാലയം കഴിഞ്ഞ ദിവസം സഹായം ആവശ്യപ്പെട്ടതനുസരിച്ചാണ്​ ഒഡിഷയിലെ വിദഗ്​ധരു​െട സംഘം മേഘാലയയിൽ എത്തിയത്​. നേരത്തെ എത്തേണ്ടതായിരുന്നുവെന്നും എന്നാൽ തങ്ങളുടെ സഹായം ആവശ്യപ്പെട്ടത്​ ഇപ്പോൾ മാത്രമാണെന്നും ഡയറക്​ടർ ജനറൽ ഒാഫ്​ ഫയർ സർവീസ്​ ബി.കെ ശർമ പറഞ്ഞു.

കഴിഞ്ഞ 15 ദിവസമായി പ്രാദേശിക അധികൃതരായിരുന്നു രക്ഷാപ്രവർത്തനം നടത്തിയിരുന്നത്​. എന്നാൽ ഖനിയിൽ നിന്ന്​ വെള്ളം വറ്റിക്കാൻ ശക്​തിയേറിയ പമ്പില്ലാത്തതു മൂലം സാധിച്ചിരുന്നില്ല. മേഘാലയയിൽ പമ്പ്​ ഇല്ലാത്തതിനാൽ മറ്റ്​ ഇടങ്ങളിൽ നിന്ന്​ എത്തിക്കാൻ സംസ്​ഥാന സർക്കാറി​​​​െൻറ സഹായം തേടിയിരുന്നെങ്കിലും സഹായം ലഭ്യാമാക്കുന്നതിന്​ സർക്കാർ കാലതാമസം വരുത്തി. അതുവരെ രക്ഷാപ്രവർത്തനങ്ങൾ നിർത്തിവെച്ചിരിക്കുകയായിരുന്നു.