Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഭാര്യയുടെ മൃതദേഹം...

ഭാര്യയുടെ മൃതദേഹം ഒറ്റയ്​ക്ക്​ ചുമന്ന്​ ബാലകൃഷ്​ണ; സഹായിക്കേണ്ടവർ നോക്കുകുത്തികളായി

text_fields
bookmark_border
ഭാര്യയുടെ മൃതദേഹം ഒറ്റയ്​ക്ക്​ ചുമന്ന്​ ബാലകൃഷ്​ണ; സഹായിക്കേണ്ടവർ നോക്കുകുത്തികളായി
cancel

കാന്ധമാൽ: പ്രിയതമയുടെ ചലനമറ്റ ശരീരം ആംബുലൻസിലേക്ക്​ മാറ്റാൻ ആ മനുഷ്യൻ കണ്ടുനിന്നവരോടെല്ലാം സഹായം തേടി. നഴ്​സുമാർ, ആശുപത്രി ജീവനക്കാർ, മറ്റുരോഗികളുടെ കൂട്ടിരിപ്പുകാർ തുടങ്ങി എല്ലാവരോടും. എന്നാൽ, ആരും തിരിഞ്ഞുനോക്കിയില്ല. ഒടുവിൽ, കണ്ണീരോടെ സ്വന്തം കരങ്ങളാൽ മൃതദേഹം വാരിയെടുത്ത് ആംബുലൻസിലേക്ക്​ കയറ്റി. ചുറ്റിലുമുള്ളവരെല്ലാം മൂകസാക്ഷിയായി ഈ കാഴ്ച കണ്ടുനിന്നു. ​

ഒഡിഷയിലെ ബാലകൃഷ്​ണ കൻഹർ എന്ന നിസ്സഹായനായ മനുഷ്യനാണ്​ സഹജീവികളുടെ ക്രൂരമായ അവഗണന നേരിട്ടത്​. അനീമിയ രോഗിയായ ഇദ്ദേഹത്തിന്‍റെ ഭാര്യ ഋതുമതി കൻഹറിനെ (40)ജൂൺ 29 നാണ്​ കാന്ധമാൽ ജില്ലയിലെ ഫുൽബാനി ഗവ. ആശുപത്രിയിൽ പ്രവേശിപ്പിച്ചത്​. ജൂലൈ ഒന്നിന് നില വഷളായി വൈകുന്നേരം ഹൃദയാഘാതത്തെ തുടർന്ന് ഋതുമതി മരിച്ചു.

മൃതദേഹം ആംബുലൻസിലേക്ക്​ മാറ്റാൻ ആശുപത്രി ജീവനക്കാരെയും വാഹനഡ്രൈവറെയും കണ്ടുനിന്നവരെയുമെല്ലാം ബാലകൃഷ്ണ സമീപിച്ചെങ്കിലും എല്ലാവരും സഹായിക്കാൻ വിസമ്മതിക്കുകയായിരുന്നു. അവിടെ ഉണ്ടായിരുന്നയാൾ ഇത്​ കാമറയിൽ പകർത്തി സോഷ്യൽമീഡിയയിൽ പ്രചരിപ്പിച്ചതോടെയാണ്​ സംഭവം പുറംലോകമറിയുന്നത്​. തുടർന്ന്​ ഒരു നഴ്‌സിനെയും ഒരു അറ്റൻഡറെയും ജില്ലാ ഭരണകൂടം സസ്‌പെൻഡ് ചെയ്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:humanitydeadbodyhospitalinhuman
News Summary - Odisha man forced to carry wife’s body after hospital staff refuses help, 2 suspended
Next Story