ഒഡീഷയിലെ കോൺഗ്രസ്​ നേതാവ്​ പത്മലോചൻ പാണ്ഡ ബി.ജെ.പിയിൽ ചേർന്നു

ഭുവനേശ്വർ: ഒഡീഷയിലെ മുതിർന്ന കോൺഗ്രസ്​ നേതാവും മുൻ മന്ത്രിയുമായിരുന്ന പത്മലോചൻ പാണ്ഡ ബി.ജെ.പിയിൽ ചേർന്നു. കേന്ദ്രമന്ത്രി ധർമേന്ദ്ര പ്രധാൻ, ബി.ജെ.പി സംസ്ഥാന അധ്യക്ഷൻ ബസന്ത്​ പാണ്ഡ എന്നിവരുടെ സാന്നിദ്ധ്യത്തിലാണ്​ പാർട്ടിയുടെ ഒൗദ്യോഗിക അംഗത്വം നേടിയത്​. പത്മലോചൻ പാണ്ഡ ഒക്​ടോബർ ഏഴിന്​ കോൺഗ്രസിൽ നിന്നും രാജിവെച്ചിരുന്നു.

ഒഡീഷ ബാലസോർ ജില്ലയിലെ സിമുലിയ മണ്ഡലത്തിൽ നിന്നും മൂന്നു തവണ എം.എൽ.എയായി തെരഞ്ഞെടുക്കപ്പെട്ട വ്യക്തിയാണ്​ പാണ്ഡ. പാണ്ഡയെ കൂടാതെ കോൺഗ്രസ്​ നേതാവ്​ ശുഭാംങ്കർ മഹാപത്രയും അദ്ദേഹത്തി​​​െൻറ അനുയായികളും ബി.ജെ.പിയിൽ ചേർന്നിരുന്നു.

ഒഡീഷയിൽ മുഖ്യമന്ത്രി നവീൻ പട്​നായിക്​ യുവജനങ്ങൾക്ക്​ പ്രാധാന്യം നൽകുന്നില്ലെന്ന്​ കോൺഗ്രസ്​ വിട്ട നേതാക്കൾ ആരോപിച്ചു.