2016ന്​ മുമ്പ്​ മിന്നലാക്രമണം നടത്തിയതിന്​ രേഖകളില്ലെന്ന്​ സേന

ന്യൂഡൽഹി: ഇന്ത്യൻ സേന 2016 സെപ്​റ്റംബർ 29ന്​ മുമ്പ്​ മിന്നലാക്രമണം നടത്തിയതി​​െൻറ​ രേഖകളൊന്നും കൈയിലില്ലെന്ന്​ ഡയറക്​ടറേറ്റ്​​​​ ജനറൽ ഒാഫ്​ മിലിട്ടറി ഒാപറേഷൻസ്​ (ഡി.ജി.എം.ഒ) വ്യക്​തമാക്കി. വാർത്ത ഏജൻസിയായ പി.ടി.​െഎ നൽകിയ വിവരാവകാശ അപേക്ഷയിലാണ്​ സൈന്യത്തി​​െൻറ മറുപടി.

2016 സെപ്​റ്റംബർ 29ന്​ മിന്നലാക്രമണം നടത്തിയതായി ഡി.ജി.എം.ഒ അറിയിച്ചു. ഇന്ത്യൻ സേനയുടെ ചരിത്രത്തിൽ ആദ്യമായാണ്​ അതിർത്തികടന്ന്​ മിന്നലാക്രമണം നടത്തിയതെന്ന്​  നേരത്തെ, സൈന്യം വാർത്താകുറിപ്പിൽ അവകാശപ്പെട്ടിരുന്നു. തീവ്രവാദ സംഘടനയായ ലശ്​​കറെ ത്വയ്യിബയുടെ പാകിസ്​താനിലെ ക്യാമ്പുകൾക്ക്​ നേരെയാണ്​ ഇന്ത്യൻ സേന 2016ൽ മിന്നലാക്രമണം നടത്തി കനത്ത നാശനഷ്​ടം വരുത്തിയത്​. നിയന്ത്രണ രേഖയിൽനിന്നും 700 മീറ്റർ കടന്ന്​ നടത്തിയ​ ആക്രമണത്തിൽ 20 തീവ്രവാദികൾ കൊല്ലപ്പെട്ടിരുന്നു.

മിന്നലാക്രമണത്തി​​െൻറ നിർവചനവും വിവരാവകാശ അപേക്ഷയിൽ തേടിയിരുന്നു. രഹസ്യവിവരത്തി​​െൻറ അടിസ്​ഥാനത്തിൽ ലക്ഷ്യസ്​ഥാനത്ത്​ നാശനഷ്​ടം വരുത്തുക എന്നതാണ്​ ഇതിലൂ​െട ഉദ്ദേശിക്കുന്നതെന്ന്​ മറുപടിയിൽ വ്യക്​തമാക്കി. 2004നും 2014നും ഇടയിൽ മിന്നലാക്രമണം നടത്തിയിട്ടുണ്ടോ എന്നായിരുന്നു പി.ടി.​െഎ വിവരാവകാശ അപേക്ഷയിലൂടെ അന്വേഷിച്ചത്​