അണ്ണാ ഡി.എം.കെ നേതാവ്​ ഒ. പനീർശെൽവത്തിന്‍റെ ഭാര്യ വിജയലക്ഷ്​മി അന്തരിച്ചു

ചെന്നൈ: എ.ഐ.എ.ഡി.എം.കെ നേതാവും തമിഴ്​നാട്​ മുൻ മുഖ്യമന്ത്രിയുമായ ഒ. പനീർശെൽവത്തിന്‍റെ ഭാര്യ വിജയലക്ഷ്​മി അന്തരിച്ചു. 63 വയസായിരുന്നു.

ചെന്നൈയിലെ ആശുപത്രിയിലാണ്​ അന്ത്യം. ഹൃദയാഘാതമാണ്​ മരണകാരണം. ആരോഗ്യസ്​ഥിതി മോശമായതിനെ തുടർന്ന്​ ചെന്നൈയിലെ സ്വകാര്യ ആശുപത്രിയിൽ രണ്ടാഴ്ചയിലധികമായി ചികിത്സയിലായിരുന്നു അവർ. ബുധനാഴ്ച രാവിലെ ഹൃദയാഘാതമു​ണ്ടായതോടെ മരിച്ചു. രാവിലെ 6.40ഓടെയാണ്​ മരണം.

മൃതദേഹം നടപടി ക്രമങ്ങൾ പൂർത്തിയാക്കി ഒ.പി.എസിന്‍റെ നാടായ പെരിയകുളത്തേക്ക്​ കൊണ്ടുപോകും. ഇരുവർക്കും മൂന്നു മക്കളാണുള്ളത്​. മക്കൾ: കവിത ഭാനു, തേനി എം.പി പി. രവീന്ദ്രനാഥ്, ജയപ്രദീപ്​.