ഹരിയാന ബുൾഡോസർ രാജ് തടഞ്ഞ ഹൈകോടതി ബെഞ്ചിനെ മാറ്റി; കേസ് പുതിയ ബെഞ്ച് ഇന്ന് പരിഗണിക്കും

ന്യൂ​ഡ​ൽ​ഹി: ഹ​രി​യാ​ന​യി​ലെ നൂ​ഹി​ലും ഗു​രു​​ഗ്രാ​മി​ലും ന​ട​ന്ന നി​യ​മ​വി​രു​ദ്ധ​മാ​യ ഇ​ടി​ച്ചു​നി​ര​ത്ത​ൽ സ്വ​​മേ​ധ​യാ കേ​സെ​ടു​ത്ത് ത​ട​ഞ്ഞ പ​ഞ്ചാ​ബ് ഹ​രി​യാ​ന ഹൈ​കോ​ട​തി ബെ​ഞ്ചി​​നെ മാ​റ്റി. പ്ര​ത്യേ​ക സ​മു​ദാ​യ​ത്തെ മാ​ത്രം തി​ര​ഞ്ഞു​പി​ടി​ച്ച് ന​ട​ത്തി​യ ബു​ൾ​ഡോ​സ​ർ ന​ട​പ​ടി​യി​ലൂ​ടെ വം​ശീ​യ​മാ​യ ഉ​ന്മൂ​ല​ന​മാ​ണോ ല​ക്ഷ്യം​വെ​ക്കു​ന്ന​തെ​ന്ന് ​ചോ​ദി​ച്ച് ഹ​രി​യാ​ന​യി​ലെ ബി.​ജെ.​പി സ​ർ​ക്കാ​റി​നെ അ​തി​രൂ​ക്ഷ​മാ​യി വി​മ​ർ​ശി​ച്ച ജ​സ്റ്റി​സു​മാ​രാ​യ ജി.​എ​സ്. സ​ന്ധാ​വാ​ലി​യ, ഹ​ർ​പ്രീ​ത് കൗ​ർ ജീ​വ​ൻ എ​ന്നി​വ​ര​ട​ങ്ങു​ന്ന ബെ​ഞ്ചി​ൽ​നി​ന്നാണ് ​കേ​സ് മാറ്റിയത്.

ജ​സ്റ്റി​സു​മാ​രാ​യ അ​രു​ൺ പ​ള്ളി, ജ​ഗ​ൻ മോ​ഹ​ൻ ബ​ൻ​സ​ൽ എ​ന്നി​വ​ര​ട​ങ്ങു​ന്ന പുതിയ ബെ​ഞ്ച് കേസ് ഇന്ന് പരിഗണിക്കും.

വ​ർ​ഗീ​യ സം​ഘ​ർ​ഷ​ത്തെ തു​ട​ർ​ന്ന് നാ​ല് ദി​വ​സം തു​ട​ർ​ച്ച​യാ​യി ന​ട​ന്ന ഇ​ടി​ച്ചു​നി​ര​ത്ത​ൽ പ​ത്ര വാ​ർ​ത്ത​ക​ളി​ലൂ​ടെ ക​ണ്ടാ​ണ് ഹൈ​കോ​ട​തി ബെ​ഞ്ച് സ്വ​യം ഇ​ട​പെ​ട്ട് ത​ട​ഞ്ഞ​ത്. ഇ​ടി​ച്ചു​നി​ര​ത്തി​യ വീ​ടു​ക​ളു​ടെ​യും കെ​ട്ടി​ട​ങ്ങ​ളു​ടെ​യും ക​ണ​ക്ക് സ​ർ​ക്കാ​റി​നോ​ട് ആ​വ​ശ്യ​പ്പെ​ട്ട് കേ​സ് ഇന്ന് പ​രി​ഗ​ണി​ക്കാ​നി​രി​ക്കെ​യാ​ണ് അ​ത്യ​ന്തം നാ​ട​കീ​യ​മാ​യി ബെ​ഞ്ചി​നെ മാ​റ്റി​യ​ത്.

അതിനിടെ, നൂ​ഹി​ൽ ന​ട​ന്ന വ​ർ​ഗീ​യ ക​ലാ​പ​ത്തി​ലെ പ്ര​തി​ക​ളെ​ന്ന് ക​രു​തു​ന്ന ര​ണ്ടു​പേ​രെ ഏ​റ്റു​മു​ട്ട​ലി​നൊ​ടു​വി​ൽ പി​ടി​കൂ​ടിയതായി പൊ​ലീ​സ് പറഞ്ഞു. സ​ഖോ ഗ്രാ​മ​ത്തി​ലെ മ​ല​മ്പ്ര​ദേ​ശ​ത്ത് ബു​ധ​നാ​ഴ്ച രാ​ത്രി​യാ​ണ് പൊ​ലീ​സും ബൈ​ക്കി​ലെ​ത്തി​യ പ്ര​തി​ക​ളും ത​മ്മി​ൽ ഏ​റ്റു​മു​ട്ട​ൽ ന​ട​ന്ന​തത്രെ. പ​ര​സ്പ​രം ന​ട​ന്ന വെ​ടി​വെ​പ്പി​നൊ​ടു​വി​ൽ പ്ര​തി​ക​ളെ പി​ടി​കൂ​ടു​ക​യാ​യി​രു​ന്നു​വെ​ന്ന് പൊ​ലീ​സ് അ​റി​യി​ച്ചു. പ്ര​തി​ക​ളി​ലൊ​രാ​ളു​ടെ കാ​ലി​ന് പ​രി​ക്കേ​റ്റു. ഇ​വ​രി​ൽ​നി​ന്ന് തോ​ക്കും വെ​ടി​യു​ണ്ട​ക​ളും പി​ടി​ച്ചെ​ടു​ത്തി​ട്ടു​ണ്ട്.

ഇതേക്കുറിച്ച് പൊലീസ് പറയുന്നതിങ്ങനെ: ‘പ്ര​തി​ക​ൾ രാ​ജ​സ്ഥാ​നി​ൽ​നി​ന്ന് ബൈ​ക്കി​ൽ നൂ​ഹി​ലേ​ക്ക് വ​രു​ന്നു​ണ്ടെ​ന്ന ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ പൊ​ലീ​സ് വാ​ഹ​ന​പ​രി​ശോ​ധ​ന ന​ട​ത്തി​യി​രു​ന്നു. പൊ​ലീ​സ് സം​ഘ​ത്തെ​ക്ക​ണ്ട് പ്ര​തി​ക​ൾ ബൈ​ക്ക് ഉ​പേ​ക്ഷി​ച്ച് ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ചു. പൊ​ലീ​സി​നു​നേ​രെ വെ​ടി​യു​തി​ർ​ക്കു​ക​യും ചെ​യ്തു. പൊ​ലീ​സ് തി​രി​കെ വെ​ടി​വെ​ച്ച​പ്പോ​ൾ ​പ്ര​തി​ക​ളി​ലൊ​രാ​ളു​ടെ കാ​ലി​ൽ കൊ​ള്ളു​ക​യും നി​ല​ത്ത് വീ​ഴു​ക​യും ചെ​യ്തു. തു​ട​ർ​ന്ന് ഇ​വ​രെ പി​ടി​കൂ​ടു​ക​യാ​യി​രു​ന്നു’

വി.എച്ച്.പി വീണ്ടും നൂഹ് വഴി ജലാഭിഷേകയാത്രക്ക്

ഗു​രു​​ഗ്രാം: നൂ​ഹ് സം​ഘ​ർ​ഷ​ത്തെ തു​ട​ർ​ന്ന് ത​ട​സ്സ​പ്പെ​ട്ട ബ്രി​ജ് മ​ണ്ഡ​ൽ ജ​ലാ​ഭി​ഷേ​ക യാ​ത്ര ഉ​ട​ൻ പു​ന​രാ​രം​ഭി​ക്കു​മെ​ന്ന് വി​ശ്വ​ഹി​ന്ദു​പ​രി​ഷ​ത്ത്. ശ്രാ​വ​ൺ മാ​സം അ​വ​സാ​നി​ക്കു​ന്ന ആ​ഗ​സ്റ്റ് 31ന് ​മു​മ്പ് യാ​ത്ര പൂ​ർ​ത്തി​യാ​ക്കേ​ണ്ട​തു​ണ്ടെ​ന്ന് വി.​എ​ച്ച്.​പി ദേ​ശീ​യ വ​ക്താ​വ് വി​നോ​ദ് ബ​ൻ​സാ​ൽ പ​റ​ഞ്ഞു. യാ​ത്ര​ക്ക് സു​ര​ക്ഷ​യൊ​രു​ക്ക​ണ​മെ​ന്ന് ഹ​രി​യാ​ന സ​ർ​ക്കാ​റി​നോ​ട് ആ​വ​ശ്യ​പ്പെ​ട്ട​താ​യും അ​ദ്ദേ​ഹം പ​റ​ഞ്ഞു.

യാ​ത്ര ത​ട​സ്സ​പ്പെ​ട്ട​ത് പ​ല​രു​ടെ​യും മ​ത​വി​കാ​ര​ത്തെ വ്ര​ണ​പ്പെ​ടു​ത്തി​യി​ട്ടു​ണ്ട്. ജൂ​ലൈ 31ന് ​യാ​ത്ര തു​ട​ങ്ങി​യ​പ്പോ​ഴു​ണ്ടാ​യ സ​മൂ​ഹ​മാ​ധ്യ​മ പോ​സ്റ്റു​ക​ളാ​ണ് നൂ​ഹ് സം​ഘ​ർ​ഷ​ത്തി​ൽ ക​ലാ​ശി​ച്ച​ത്. രാ​ജ​സ്ഥാ​നി​ലെ ഭ​ര​ത്പു​രി​ൽ ര​ണ്ടു മു​സ്‍ലിം​ക​ളെ കൊ​ല​പ്പെ​ടു​ത്തി​യ കേ​സി​ലെ പ്ര​തി​യും വി​വാ​ദ പ​ശു ഗുണ്ടയു​മാ​യ മോ​നു മ​നേ​സ​റി​ന്റെ വി​ഡി​യോ​യും സം​ഘ​ർ​ഷ​ത്തി​ന് വ​ഴി​തെ​ളി​ച്ചു.

അതിനിടെ, ഹ​രി​യാ​ന​യി​ലെ ഹി​സാ​റി​ൽ സ​മാ​ധാ​ന ആ​ഹ്വാ​ന​വു​മാ​യി ബു​ധ​നാ​ഴ്ച ന​ട​ന്ന മ​ഹാ​പ​ഞ്ചാ​യ​ത്തി​ൽ നൂ​റു​ക​ണ​ക്കി​നു​പേ​ർ പ​​ങ്കെ​ടു​ത്തു.