മേ​ഘാ​ല​യയിലെ കറുത്ത കുതിരയായി സാങ്മയുടെ എൻ.പി.പി

ഷി​ല്ലോ​ങ്:​ മു​ൻ ലോ​ക്​​സ​ഭ സ്​​പീ​ക്ക​റും പ​ഴ​യ കോ​ൺ​ഗ്ര​സു​കാ​ര​നു​മാ​യ പി.എ സാങ്മയുടെ നാഷണൽ പീപ്പിൾസ് പാർട്ടി (എൻ.പി.പി) മേ​ഘാ​ല​യ നിയമസഭാ തെരഞ്ഞെടുപ്പിൽ കറുത്ത കുതിരയായി. 2013ലെ തെരഞ്ഞെടുപ്പിൽ രണ്ടു സീറ്റ് മാത്രം ഉണ്ടായിരുന്ന എൻ.പി.പി ഇത്തവണ വൻ മുന്നേറ്റമാണ് നടത്തിയത്.  

മേ​ഘാ​ല​യ രാ​ഷ്​​ട്രീ​യം പ്ര​ധാ​ന​മാ​യും നി​യ​ന്ത്രി​ക്കു​ന്ന​​ ര​ണ്ട്​ സാ​ങ്​​മ കു​ടും​ബ​ങ്ങൾ തമ്മിലായിരുന്നു ഇത്തവണത്തെ പോരാട്ടം. മു​ഖ്യ​മ​ന്ത്രി മു​കു​ൾ സാ​ങ്​​മ കോ​ൺ​ഗ്ര​സി​നെ ന​യി​ക്കു​മ്പോൾ എ​തി​ർ​പ​ക്ഷ​െ​ത്ത പി.​എ. സാ​ങ്​​മ​യു​ടെ കു​ടും​ബവും നി​യ​ന്ത്രി​ക്കുന്നു. സാ​ങ്​​മ​യു​ടെ മക്കളായ കൊ​ൺ​റാ​ഡ്​ സാ​ങ്​​മയും സ​ഹോ​ദ​രി​യും മു​ൻ​ കേ​ന്ദ്ര​മ​ന്ത്രി​യു​മാ​യ അ​ഗ​ത സാ​ങ്​​മയും ആയിരുന്നു എൻ.പി.പിയുടെ മുഖ്യ തെരഞ്ഞെടുപ്പ് പ്ര​ചാ​ര​കർ.

കൊ​ൺ​റാ​ഡ്​ സാ​ങ്​​മ പാർട്ടി നി​യ​ന്ത്ര​ണം ഏ​റ്റെ​ടു​ത്ത ശേ​ഷം എ​ൻ.​പി.​പി കൂ​ടു​ത​ൽ വ​ള​ർ​ന്നു. കോ​ൺ​ഗ്ര​സി​ൽ ​നി​ന്ന്​ അ​ഞ്ച്​ എം.​എ​ൽ.​എ​മാ​രെ എൻ.പി.പിക്ക് ചാ​ക്കി​ട്ടു പി​ടി​ക്കാ​നു​മാ​യി. തെരഞ്ഞെടുപ്പ് ഗോദയിൽ ഏ​ഴു പാ​ർ​ട്ടി​ക​ൾ ഉണ്ടെങ്കിലും മേ​ഘാ​ല​യയിൽ സാങ്മ കുടുംബങ്ങളാണ് ശക്തർ. കോൺഗ്രസ് ഏറ്റവും വലിയ ഒറ്റകക്ഷിയായെങ്കിലും സർക്കാർ രൂപീകരണവേളയിൽ എൻ.പി.പി ബി.ജെ.പിയെ പിന്തുണക്കാനാണ് സാധ്യത.