‘ബി.​ജെ.​പി​ക്ക് ഭ​യ​ക്കാ​നും ഒ​ളി​ക്കാ​നും ഒ​ന്നു​മി​ല്ല, കോ​ട​തി ത​ങ്ങ​ളു​ടെ നി​യ​ന്ത്ര​ണ​ത്തി​ല​ല്ല’ -അദാനിക്കെതിരെ കോടതിയിൽ പോകാൻ വെല്ലുവിളിച്ച് അമിത് ഷാ

ന്യൂ​ഡ​ൽ​ഹി: പാ​ർ​ല​മെ​ന്റി​ൽ അ​ദാ​നി ച​ർ​ച്ച അ​നു​വ​ദി​ക്കാ​തെ ബ​ജ​റ്റ് സ​മ്മേ​ള​ന​ത്തി​ന്റെ ആ​ദ്യ​പാ​ദം ക​ഴി​ഞ്ഞ​തി​നു​പി​ന്നാ​ലെ, അ​ദാ​നി വി​ഷ​യ​ത്തി​ൽ ബി.​ജെ.​പി​ക്ക് ഭ​യ​ക്കാ​നും ഒ​ളി​ക്കാ​നും ഒ​ന്നു​മി​ല്ലെ​ന്ന് കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ ​അ​വ​കാ​ശ​പ്പെ​ട്ടു.

അ​ദാ​നി​ക്കെ​തി​രെ കോ​ട​തി​യി​ൽ പോ​കാ​ൻ കോ​ൺ​ഗ്ര​സി​നെ വെ​ല്ലു​വി​ളി​ച്ച കേ​ന്ദ്ര ആ​ഭ്യ​ന്ത​ര മ​ന്ത്രി, കോ​ട​തി​യി​ൽ പോ​യാ​ൽ ‘പെ​ഗ​സ​സ്’ പോ​ലെ അ​ബ​ദ്ധ​മാ​യി​രി​ക്കു​മെ​ന്നും പ​റ​ഞ്ഞു. അ​​തോ​ടൊ​പ്പം, കോ​ട​തി ത​ങ്ങ​ളു​ടെ നി​യ​ന്ത്ര​ണ​ത്തി​ല​ല്ലെ​ന്നും അ​മി​ത് ഷാ ​കൂ​ട്ടി​ച്ചേ​ർ​ത്തു.

ബ​ജ​റ്റ് സ​മ്മേ​ള​ന​ത്തി​ന്റെ ര​ണ്ടാം ഘ​ട്ട​ത്തി​നാ​യി പാ​ർ​ല​മെ​ന്റ് മാ​ർ​ച്ച് 13വ​രെ പി​രി​ഞ്ഞ​തി​നു​പി​ന്നാ​ലെ വാ​ർ​ത്ത ഏ​ജ​ൻ​സി​യാ​യ ‘എ.​എ​ൻ.​ഐ’​ക്ക് ന​ൽ​കി​യ പ്ര​ത്യേ​ക അ​ഭി​മു​ഖ​ത്തി​ലാ​ണ് അ​മി​ത് ഷാ​യു​ടെ അ​വ​കാ​ശ വാ​ദ​വും വെ​ല്ലു​വി​ളി​യും.

എ​ന്നാ​ൽ, അ​ദാ​നി​യു​ടെ ഓ​ഹ​രി വി​ല കു​ത്ത​നെ ഇ​ടി​ഞ്ഞ​തി​നെ​ക്കു​റി​ച്ച് ഒ​ന്നും പ​റ​യി​ല്ലെ​ന്നും കോ​ട​തി​യു​ടെ പ​രി​ഗ​ണ​ന വി​ഷ​യ​മാ​ണെ​ന്നും ഷാ ​പ​റ​ഞ്ഞു.

‘സു​പ്രീം​കോ​ട​തി സ്വ​മേ​ധ​യ കേ​സെ​ടു​ത്തി​ട്ടു​ണ്ട്. എ​ന്തു​കൊ​ണ്ട് കോ​ൺ​ഗ്ര​സി​ന് കോ​ട​തി​യി​ൽ പോ​യ്ക്കൂ​ടാ​? സ​മാ​ന​മാ​യ ആ​രോ​പ​ണ​മാ​ണ് പെ​ഗ​സ​സ് ചാ​ര​വൃ​ത്തി വി​വാ​ദ​മു​ണ്ടാ​യ​പ്പോ​ഴും കോ​​ൺ​ഗ്ര​സ് ഉ​ന്ന​യി​ച്ച​ത്. ​തെ​ളി​വു​മാ​യി കോ​ട​തി​യി​ൽ പോ​കാ​ൻ ഞ​ങ്ങ​ൾ അ​ന്ന് പ​റ​ഞ്ഞു. കോ​ട​തി ഞ​ങ്ങ​ളു​ടെ നി​യ​ന്ത്ര​ണ​ത്തി​ൽ വെ​ച്ചി​രി​ക്കു​ക​യ​ല്ല​ല്ലോ’-​അ​ദ്ദേ​ഹം തു​ട​ർ​ന്നു.

അ​ദാ​നി​യെ​ക്കു​റി​ച്ച് രാ​ഹു​ൽ ഗാ​ന്ധി പ​റ​ഞ്ഞ​ത​ത്ര​യും സ​ഭാ രേ​ഖ​ക​ളി​ൽ​നി​ന്ന് നീ​ക്കം ചെ​യ്ത​തി​നെ​ക്കു​റി​ച്ച് ചോ​ദി​ച്ച​പ്പോ​ൾ, പാ​ർ​ല​മെ​ന്റി​ൽ ന​ട​ത്തി​യ അ​ഭി​പ്രാ​യ പ്ര​ക​ട​ന​ങ്ങ​ൾ നീ​ക്കം ചെ​യ്യു​ന്ന​ത് ആ​ദ്യ​മ​ല്ലെ​ന്നാ​യി​രു​ന്നു അ​മി​ത് ഷാ​യു​ടെ മ​റു​പ​ടി. ത്രി​പു​ര​യി​ൽ ബി.​ജെ.​പി​ക്ക് സീ​റ്റു​ക​ളും വോ​ട്ടു​വി​ഹി​ത​വും കൂ​ടും. പോ​പു​ല​ർ ഫ്ര​ണ്ട് ഓ​ഫ് ഇ​ന്ത്യ മ​ത​ഭ്രാ​ന്ത​ന്മാ​രു​ടെ സം​ഘ​മാ​ണെ​ന്നും ഭീ​ക​ര​ത വ്യാ​പി​പ്പി​ക്കാ​നു​ള്ള അ​സം​സ്കൃ​ത വ​സ്തു​ക്ക​ൾ ശേ​ഖ​രി​ക്കു​ക​യാ​യി​രു​ന്നു​വെ​ന്നും അ​മി​ത് ഷാ ​ആ​രോ​പി​ച്ചു.

അദാനി ഗ്രൂപ്പിനെതിരെ സുപ്രീംകോടതിയിൽ ഹരജി

ന്യൂഡൽഹി: ഗൗതം അദാനിയും കൂട്ടാളികളും പൊതുഖജനാവിൽനിന്ന് കബളിപ്പിച്ച് ലക്ഷക്കണക്കിന് കോടികൾ തട്ടിയതിനെ കുറിച്ച് അന്വേഷണം ആവശ്യപ്പെട്ട് കോൺഗ്രസ് നേതാവ് ജയ ഠാകുർ സുപ്രീംകോടതിയിൽ. അദാനി എന്റർപ്രൈസസിന്റെ തുടർ ഓഹരി വിൽപനയിൽ (എഫ്.പി.ഒ) ലൈഫ് ഇൻഷുറൻസ് കോർപറേഷൻ ഓഫ് ഇന്ത്യയും (എൽ.ഐ.സി) സ്റ്റേറ്റ് ബാങ്ക് ഓഫ് ഇന്ത്യയും (എസ്.ബി.ഐ) 1800 രൂപ വിപണിവിലയുള്ള ഓഹരി 3200 രൂപക്ക് വാങ്ങിയതിനെ കുറിച്ചും സുപ്രീംകോടതി ജഡ്ജിയുടെ മേൽനോട്ടത്തിൽ അന്വേഷണം വേണമെന്ന് ജയ ഠാകുർ ആവശ്യപ്പെട്ടു.

ബാങ്ക് വായ്പ കിട്ടാനായി അദാനി കൃത്രിമമായി ഓഹരിവില ഉയർത്തിക്കാണിച്ചതും അധികൃതർ അദാനിക്കെതിരെ നടപടിയെടുക്കാത്തതും വിദേശ നിക്ഷേപകരിൽ വിശ്വാസം നഷ്ടപ്പെടുത്തിയിട്ടുണ്ടെന്നും ഠാകുറിന്റെ ഹരജിയിലുണ്ട്.

ഹിൻഡൻബർഗ് റിപ്പോർട്ടിനെ തുടർന്ന് അദാനിയുടെ ഓഹരികൾക്ക് വിപണിയിലുണ്ടായ തിരിച്ചടിമൂലം നിക്ഷേപകർക്ക് സംരക്ഷണം നൽകാൻ സുപ്രീംകോടതിയും കേന്ദ്ര സർക്കാറും പരസ്പര ധാരണയിൽ നീങ്ങുന്നതിനിടയിലാണ് കോൺഗ്രസ് നേതാവിന്റെ ഹരജി. അദാനിയുടെ ഓഹരിവില ഇടിയാൻ കാരണമായ റിപ്പോർട്ട് പുറത്തുവിട്ട അമേരിക്കൻ നിക്ഷേപ ഗവേഷണ സ്ഥാപനമായ ഹിൻഡൻബർഗിനെതിരെ അന്വേഷണം ആവശ്യപ്പെട്ട് സമർപ്പിച്ച രണ്ടു ഹരജികൾ ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ചിന്റെ പരിഗണനയിലാണ്.

ജെ.പി.സി തന്നെ അന്വേഷിക്കണം -കോൺഗ്രസ്

ന്യൂ​ഡ​ൽ​ഹി: അ​ദാ​നി വി​ഷ​യ​ത്തി​ൽ വി​ദ​ഗ്​​ധ സ​മി​തി​യാ​കാ​മെ​ന്ന്​ കേ​ന്ദ്ര​സ​ർ​ക്കാ​ർ സു​പ്രീം​കോ​ട​തി​യെ അ​റി​യി​​ച്ചി​ട്ടു​ണ്ടെ​ങ്കി​ലും സം​യു​ക്ത പാ​ർ​ല​മെ​ന്റ​റി സ​മി​തി (ജെ.​പി.​സി)​അ​ന്വേ​ഷ​ണം വേ​ണ​മെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ന്ന​താ​യി കോ​ൺ​ഗ്ര​സ്. സ​ർ​ക്കാ​റി​ന്‍റെ ഇം​ഗി​ത​ത്തി​നൊ​ത്ത്​ പ്ര​വ​ർ​ത്തി​ക്കു​ന്ന സ​മി​തി​യ​ല്ല, വി​വി​ധ പാ​ർ​ട്ടി​ക​ളി​ലെ പാ​ർ​ല​മെ​ന്‍റ്​ അം​ഗ​ങ്ങ​ൾ ഉ​ൾ​പ്പെ​ട്ട സ​മി​തി​ക്കാ​ണ്​ വി​ഷ​യം കൂ​ടു​ത​ൽ സ്വ​ത​ന്ത്ര​വും നീ​തി​പൂ​ർ​വ​ക​വു​മാ​യി അ​ന്വേ​ഷി​ക്കാ​ൻ ക​ഴി​യു​ക​യെ​ന്ന്​ കോ​ൺ​ഗ്ര​സ്​ വ​ക്​​താ​വ്​ ജ​യ്​​റാം ര​മേ​ശ്​ പ​റ​ഞ്ഞു. ജെ.​പി.​സി വേ​ണ​മെ​ന്ന ആ​വ​ശ്യ​ത്തി​ൽ പ്ര​തി​പ​ക്ഷ പാ​ർ​ട്ടി​ക​ൾ ഒ​റ്റ​ക്കെ​ട്ടാ​ണ്.അ​ദാ​നി വി​ഷ​യ​ത്തി​ൽ പ്ര​ത്യേ​ക അ​ന്വേ​ഷ​ണം ആ​വ​ശ്യ​പ്പെ​ട്ട്​ റി​സ​ർ​വ്​ ബാ​ങ്ക്​ ഗ​വ​ർ​ണ​ർ​ക്കും ഓ​ഹ​രി​വി​പ​ണി നി​യ​ന്ത്ര​ക​രാ​യ സെ​ബി​ക്കും ക​ത്ത​യ​ച്ച​താ​യി ജ​യ്​​റാം ര​മേ​ശ്​ പ​റ​ഞ്ഞു.